21 წლის ავიადისპეჩერმა სამგზავრო თვითმფრინავი საკუთარი სიცოცხლის ფასად იხსნა

მსოფლიო - 12:54, 02 Oct, 2018

5555

ინდონეზიის ხელისუფლება და მაცხოვრებლები, ასევე სოციალური ქსელების მომხმარებლები მთელი მსოფლიოს მასშტაბით პატივს მიაგებენ 21 წლის ავიადისპეჩერს ანტონიუს გუნავან აგუნგეს. მან თავი გაწირა იმისთვის, რომ სამგზავრო ლაინერი სტიქიის ზონიდან გაეყვანა.

გასულ პარასკევს ახალგაზრდა ავიადისპეჩერი ზედამხედველობას უწევდა სამგზავრო თვითმფრინავის აფრენას, როდესაც ძლიერი მიწისძვრა დაიწყო, ანტონიუსმა უარი თქვა დაეტოვებინა სადისპეჩერო კოშკი მანამ, ვიდრე თვითმფრინავი მიწას არ მოშორდა.

მას შემდეგ რაც თვითმფრინავი უკვე ჰაერში იყო, დისპეჩერს სხვა არჩევანი არ ჰქონდა და ის კოშკის ფანჯრიდან გადახტა. ის მრავლობითი ტრავმების გამო საავადმყოფოში გადაყვანისას დაიღუპა.

„აგუნგი იყო თავისი პროფესიის ერთგული სიცოცხლის ბოლომდე“- ნათქვამია ინდონეზიის სამოქალაქო ავიაციის ორგანოს განცხადებაში.

აბტონიუსი იმ დღეს Batik Air-ის რეისს აკონტროლებდა. მიწისძვრა სწორედ მაშინ დაიწყო როდესაც თვითმფრინავი მიწას უნდა მოცილებოდა. Air Navigation Indonesia-ს წარმომადგენლის თქმით, 21 წლის ავიადისპეჩერის თავგანწირვამ ასეულობით ადამიანის სიცოცხლე იხსნა.

21 წლის დისპეჩერს სიკვდილის შემდეგ წოდება ორი საფეხურით მოუმატეს და სოციალურ ქსელში გავრცელდა ფოტოები სადაც ჩანს რომ ის სამხედროებმა გადაასვენეს.