რეკეტი ივანიშვილის სახელით - "ომეგა ჯგუფის" დამფუძნებლის ხმაურიანი განცხადებების შემდეგ, საქართველოში ივანიშვილის მიმართ კიდევ უფრო მეტი კითხვა გაჩნდა.

ოქუაშვილმა თქვა, რომ ივანიშვილმა მას 4 მილიონი ლარის გადახდა მოსთხოვა.

ოქუაშვილი იხსენებს, რომ შეხვედრაზე სადაც დიდძალი თანხის მოთხოვნა გაჟღერდა, მაშინდელი ბიზნესომბუდსმენი და დღეს მოქმედი შს მინისტრი ესწრებოდა.

ოქუაშვილის მონაყოლის თანახმად, ამის შემდეგ ოქუაშვილს ვანო ჩხარტიშვილი ხვდება ლონდონში და ყოფილ მთავარ პროკურორ ირაკლი ფარცხალაძესთან შეხვედრას სთხოვს.

ოქუაშვილის განცხადებით, ფარცხალაძესთან შეხვედრაზე ის ყიფიანთან ერთად მივიდა, სადაც ფარცხალაძემ უთხრა, რომ ზარალის 25 მილიონის მიღების სანაცვლოდ წინასწარ 4 მილიონის გადახდა სწორედ ამ დღეს მოსთხოვეს.

ბიზნესმენის მტკიცებით, ფარცხალაძემ მას პირდაპირ უთხრა, რომ ივანიშვილისა და უჩა მამაცაშვილის დავალებით მივიდა.

ოქუაშვილი ჰყვება, რომ ამის შემდეგ,რადგან მან 4 მილიონი არ გადაიხადა, საქმეში პირადად ივანიშვილი ჩაერთო. შეხვედრას, სადაც მას ივანიშვილმა 4 მილიონი მოსთხოვა გიორგი გახარია, უჩა მამაცაშვილი და ვანო ჩხარტიშვილი ესწრებოდნენ. მისივე განცხადებით, პარალელურად გრძელდებოდა ლევან ყიფიანისგან მუქარა "ომეგა ჯგუფის" ჰოლდინგში შემავალი კომპანიების დირექტორებთან.

​ამის შემდეგ ერთი დღის გახსნილი კომპანიის ანგარიშზე ზაზა ოქუაშვილის მტკიცებით, მან 4 მილიონი გადარიცხა. ოქუაშვილი ამბობს, რომ გახარიას ხელმძღვანელობით, თიბისი ბანკის ცენტრალური ფილიალიდან ფარცხალაძესთან ერთად 4 მილიონი ქეშად გაიტანეს.

ოქუაშვილი მიუთითებს, რომ არსებობს ჩანაწერები, სადაც მოქმედი პირი თავად ბიძინა ივანიშვილია.

ამ ხმაურიანი განცხადებების შემდეგ, საზოგადოებაში ე.წ. ჩელენჯი გაჩნდა, სადაც მოქლაქეები ივანიშვილს 4 თითს ყჩვენებენ, კადრი კი შუათითით მთავრდება.