"ძალა ერთობაშია" "ქართული ოცნებას" მაფიოზურ-კრიმინალური რეჟიმს უწოდებს და საგანგებო განცხადებას ავრცელებს

პოლიტიკა - 19:38, 01 Oct, 2018

1451

გაერთიანებული ოპოზიცია "ძალა ერთობაშია" "ქართული ოცნების" მმაღტველობის 6 წლისთავზხე ქვეყანაში შექმნილ მძიმე მდგომარეობას საგანგებო განცხადებით ეხმაურება, რომელსაც "ნიუპოსტი" უცვლელად გთავაზობთ:
"ძვირფასო თანამემამულენო,

დღეს, 2018 წლის პირველ ოქტომბერს, ხელისუფებაში ქართული ოცნების მოსვლიდან ზუსტად ექვსი წლის თავზე, ქვეყანაში შექმნილი უმძიმესი ვითარება საბოლოო კონტურებს იძენს. ნაცვლად იმ ცრუ დაპირებებისა, რომლითაც ნიღბავდნენ საკუთარ რეალურ სახეს, ჩვენ მივიღეთ მაფიოზურ-კრიმინალური რეჟიმი. გუშინ რუსთავი 2-ის აქცენტებში გამოვლენილი შემზარავმა ფაქტები, განსაკუთრებით კი დღეს დილით ამ ფაქტებზე ქართული ოცნების ხელმძღვანელობის გამაოგნებელი და უტიფარი რეაგირება ტრაგიკული რეალობის წინაშე გვაყენებს - ქვეყანაში გამეფებულია აწ უკვე ნიღაბჩამოხსნილი, მაფიოზურ-კორუფციული მმართველობა.

საქართველოს მოქალაქეთა თაობების მიერ ნაშენები სახელმწიფოებრიობა დამღუპველი საფრთხის წინაშე იმყოფება. სახელმწიფო სტრუქტურებს, სახელმწიფო აპარატს, ყველა სახელისუფლები შტოს კრიმინალები დაეპატრონენ.

შექმნილ ვითარებაში პრინციპულად მნიშვნელოვანია მიეცეს ვითარებას მკაფიო პოლიტიკური შეფასება და დაისახოს ქმედითი კონკრეტული მოქმედებების გეგმა. პოლიტიკური პროცესი პრაქტიკულად გადასულია უმწვავეს და ტრაგიკულ დაპირისპირებაში მაფიასა და ხალხს შორის. გადაუჭარბებლად შეიძლება ითქვას, რომ ამ დაპირისპირების შედეგებზე დამოკიდებულია ჩვენი სახელმწიფოს, ჩვენი ქვეყნის, ჩვენი შვილების მომავალი.

გვინდა დაგარწმუნოთ რომ გაერთიანებულ ოპოზიციას და მის საპრეზიდენტო კანდიდატს სრულად და ღრმად აქვთ გააზრებული საქართველოსათვის ამ გადამწყვეტი მომენტის მნიშვნელობა.

მეგობრებო,

ქართული ოცნების მაფიოზურ-კრიმინალური რეჟიმის გაშიშვლება დაემთხვა დროში საქართველოს პრეზიდენტის არჩევნების უმნიშვნელოვანეს პროცესს. ამდენად ჩვენი, მთელი ოპოზიციის, უფრო სწორად, მთელი ქართული საზოგადოების, მთელი ჩვენი ხალხის ამოცანაა სწორედ ამ პროცესის გამოყენებით ქვეყნისათვის სასიკეთოდ დავასრულოთ ის უმძიმესი გამოცდა/განსაცდელი რომლის წინაშეც განგებამ დაგვაყენა.

აღარავის ეპარება ეჭვი იმაში რომ ამ არჩევნებმა უკვე სულ სხვა შინაარსი შეიძინა. 28 ოქტომბერს არჩევნებზე არმისვლა პრაქტიკულად ნიშნავს ჩვენი სამშობლოს კრიმინალებისათვის საჯიჯგნად მიგდებას. ამავე დროს ჩნდება რეალური შანსი დავასრულოთ დანაშულებრივი რეჟიმი და გავუხსნათ ქვეყანას გზა განვითარებისა და კეთილდღეობისაკენ.

დებო და ძმებო,

ყველას მოგიწოდებთ პარტიული ან სხვა რაიმე სახის კუთვნილების მიუხედავად, კანონით დაშვებული ფორმებით აქტიური წინააღმდეგობა გავუწიოთ ხელისუფლებაში გამეფებულ კრიმინალურ ბანდას და არ მივცეთ ჩვენი ქვეყნის განადგურების საშუალება!"- ნათქვამია მიმართვაში.