საქართველოს 2019 წლის სახელმწიფო ბიუჯეტის შემოსულობების საპროგნოზო მაჩვენებელი 12 611.6 მლნ ლარით განისაზღვრა. მათ შორის: შემოსავლები - 10 281.7 მლნ ლარი; - საგადასახადო შემოსავლები - 9 565.0 მლნ ლარი (მშპ-ს 21.4%), გრანტები - 266.7 მლნ ლარი, სხვა შემოსავლები 450.0 მლნ ლარი. ბიუჯეტის პროექტი პარლამენტს დღეს წარედგინა.

სახელმწიფო ბიუჯეტის ასიგნებები განისაზღვრა 12 729.7 მლნ ლარის ოდენობით, მათ შორის: საბიუჯეტო სახსრები შეადგენს 11 268.2 მლნ ლარს, გრანტები - 96.5 მლნ ლარს, ხოლო კრედიტები - 1 365.0 მლნ ლარს. სახელმწიფო ბიუჯეტის ხარჯების ჯამური მოცულობა შეადგენს 9 279.1 მლნ ლარს.

საქართველოს მთავრობა მომავალ წელს 4.5-პროცენტიან ეკონომიკურ ზრდას ვარაუდობს. მომდევნო წლების პროგნოზები კი ასეთია: 2020 წელს 5 პროცენტი, 2021 წელს 5.5 პროცენტი, 2022 წელს 6 პროცენტი.

2019 წლის ბიუჯეტის პროექტის მიხედვით, ლარი/დოლარის გაცვლითი კურსი მომავალ წელს 2.63-ის ნიშნულთან იქნება. აღსანიშნავია, რომ 2018 წლის ბიუჯეტშიც ლარი-დოლარის გაცვლითი კურსი 2,5-ის ნიშნულზეა.