„საქართველოში აუპატიურებენ ბიზნესს, საქართველოში დევნიან პოლიტიკურ ოპონენტებს... ქვეყანა იმართება მაფიოზური კლანით“

„საქართველოში აუპატიურებენ ბიზნესს, საქართველოში დევნიან პოლიტიკურ ოპონენტებს... ქვეყანა იმართება მაფიოზური კლანით“ - გრიგოლ ვაშაძე

პოლიტიკა - 15:58, 01 Oct, 2018

840

გაერთიანებული ოპოზიცია კატეგორიულად მოითხოვს, რომ სკანდალურ აუდიოჩანაწერებსა და ზაზა ოქუაშვილის მიერ გაკეთებულ განცხადებებზე, რომელიც ომეგას საქმეს და 4 მილიონის გამოძალვას ეხება, უპირველეს ყოვლისა აღიძრას სისხლის სამართლის საქმე, ყველა ჩანაწერზე ცალკე და დაიკითხოს ამ ჩანაწერების ყველა ფიგურანტი. ამის შესახებ დღეს ოპოზიციური გაერთიანება „ძალა ერთობაშია“ საპრეზიდენტო კანდიდატმა გრიგოლ ვაშაძემეს საგანგებო ბრიფინგზე განაცხადა. მისი თქმით, არის კატეგორიული მოთხოვნა საზოგადოების და არა მარტო გაერთიანებული ოპოზიციის.

„არ სჯერა არავის, ეგრეთ წოდებული „ქართული ოცნების“ და მისი პარტაიგენოსების მტკიცების, რომ ეს ჩანაწერები იყოს გაყალბებული. კატეგორიულად მოვითხოვთ, თუ თქვენ ამას ანტკიცებთ, პრობლემა არ არის, მოგეხმარებით და შეერთებული შტატების ფედერალური გამოძიების ბიუროში ჩავატაროთ ექსპერტიზა, მაგრამ მაგისთვის ყველა ფიგურანტი მობრძანდეს და შესაბამისად ჩააბაროს თავისი ხმის ნიმუშები და 48 საათში გაჩვენებთ, რომ ყველა ჩანაწერი რეალურია და საქართველოში აუპატიურებენ ბიზნესს, საქართველოში ებრძვიან თავისუფალ სიტყვას, საქართველოში დევნიან პოლიტიკურ ოპონენტებს და ქვეყანა ფაქტიურად იმართება მაფიოზური კლანით, რომელმაც პოლიტიკური პოლიცია შექმნა იმისათვის, რომ გააყალბოს არჩევნები და გაიგრძელოს საქართველოს სათავეში ყოფნა, რასაც არც ჩვენი ხალხი, არც ჩვენი საზოგადოება და არც გაერთიანებული ოპოზიცია არ დაუშვებს.