„ბანკში ყოფნისას სპორტის ყოფილი მინისტრი გამუდმებით რეკავდა ტელეფონზე. მისი თანამშრომლების კითხვაზე, თუ ვის უკავშირდებოდა , ლევან ყიფიანმა განაცხადა, რომ ის ხაზზე იყო გიორგი გახარიასა და ოთარ ფარცხალაძესთან, - ამის შესახებ განცხადება დეპუტატმა ნატო ჩხეიძემ გააკეთა.

„თი ბი სი“-ში რაც მოხდა, ბანკის კანონმდებლობის მიხედვით, ყველაფერი იყო დარღვევა, რადგან ბანკს არ ჰქონდა უფლება, რომ ორი დღის გახსნილი ფირმისთვის ინკუბენსის გარეშე მიეცა რაიმე თანხა. ყიფიანი, რომ გამუდმებით რეკავდა სადღაც და სადღაც და როდესაც ომეგას თანამშრომლებმა ჰკითხეს, რომ სად რეკავ, მან უპასუხა, რომ რეკავს გიორგი გახარიასთან და ოთარ ფარცხალაძესთან. და ეს თანხა წაღებული იქნა ავტომატიანი ადამიანების საშუალებით,“- ამბობს ჩხეიძე.

მან მოუწოდა ასევე მის კოლეგა დეპუტატებს, რომ ნუ გააკეთებენ კომენტარებს ისეთ თემაზე, რომელიც არ იციან და მით უმეტეს ნუ გადაეფარებიან პარტიას, როცა არ არიან ამ ყველაფერში ჩართული.

„ჯობია, რომ ნაკლები აზრი გამოთქვან მე ასე ვფიქრობ და ძალიან ნუ გადაეფარებიანპარტიას. მით უმეტეს ვინც ამ საქმეში ჩარეულები არ არიან. რადგან ეს ყველაფერი ძალიან კარგად გამომჟღავნდება არაა საქართველოს პროკურატურაში, არამედ ლონდონის სასამართლოში,“-განაცხადა ნატო ჩხეიძემ.

ზაზა ოქუაშვილმა განცხადება იმის შესახებ, რომ მას ბიძინა ივანიშვილმა 4 მილიონი გამოსძალა "კვირის აქცენტებში" გააკეთა.