„ყიფიანი მეუბნება, სახეზე არავის შეხედო, ჩადე ფული მანქანაშიო ... ვიფიქრე, იქნებ გავიქცე, წავიღო ეს ფული ფირმაში, მაგრამ იქიდან ცოცხალი ვერ გამოვიდოდი“

„ყიფიანი მეუბნება, სახეზე არავის შეხედო, ჩადე ფული მანქანაშიო ... ვიფიქრე, იქნებ გავიქცე, წავიღო ეს ფული ფირმაში, მაგრამ იქიდან ცოცხალი ვერ გამოვიდოდი“ - ალექსანდრე ხაჩიძე სკანდალურ 4 მილიონზე

პოლიტიკა - 15:55, 01 Oct, 2018

1352

„ომეგა ჯგუფის“ მიერ ივანიშვილისთვის ჩარიცხული 4 მილიონი TBC ბანკიდან ალექსანდრე ხაჩიშვილმა და ლევან ყიფიანმა გაიტანეს. ალექსანდრე ხაჩიშვილი თანხის გადაცემის დეტალებს იხსენებს.

ხაჩიშვილი არის პირი, რომლის სახელზეც ერთი დღის გახსნილი კომპანია დარეგისტრირდა, სწორედ ის ჩანს ლევან ყიფიანთან ერთად ფოტოებში, რომელიც "კურიერმა" გაავრცელა:

„წავედით ბანკში და მივედით ოპერატორთან ვიკითხეთ რომ ჩვენ ანგარიშზე ფული უნდა დაჯდეს. კი ბატონო დამჯდარია ფული თქვენ ანგარიშზე მაგრამ ამ ფულის ვერ გაიტანთო. იმიტომ რომ შესაბამისი დოკუმენტი არ გაქვთო. იქ არის ყიფიანიც, ყიფიანი ნერვიულობს, ბორგავს, რეკავს, ჩვენ ვუთხარით რომ სამსახური მიტოვებული გვაქვს, ტყუილად ვართ. ამ ფულს ჩვენ ვერ ავიღებთ, უნდა წავიდეთ. ყიფიანი მეუბნება, რომ დაიცადეთ ცოტა ხანი. დაახლოებით 7 -ის ნახევარზე მოდის ბუცხრიკიძე და მოდის ხაზარაძე. ადიან მაღლა, ამის მერე ჩამოდიან ლევან ყიფიანთან ერთად და გვეუბნებიან, რომ ფული გაიცემა. მაგ დროს ჩამოჰყვება ვიღაც ქალბატონი თუ არ ვცდები ნუნუ, მივდივართ სალაროსთან. მარჯვენა მხრიდან მივდივართ სალაროსთან, ვიღებთ ფულს. გვილაგებენ ჩანთაში და გამომაქვს ფული, კარი დაკეტილია. ამ დროს კართან წამომეწია ყიფიანი და მეუბნება კართან რომ გახვალ არავის არ შეხედო ჩადე მანქანაში ფული. იმ წუთში მივხვდი რაც ხდებოდა. არავის არ შეხედო სახეზეო ჩადე ფული მანქანაში და გამობრუნდი უკანო. როგორც კი გამოვედი გარეთ დავინახე რომ პერიმეტრი კონტროლდება. რამდენიმე ცოტა საეჭვო ადამიანი დავინახე. მანქანიდან გადმოსულია ერთი ბრგე მამაკაცი ჩასხმული. კარი ღია აქვს, ჯიპიდან და იქ უნდა ჩავდო ფული ვიცი, დავინახე რომ შეიარაღებუულები იყვნენ. სავარძელზე ავტომატი იდო, მოკლე ავტომატი, ვიფიქრე იქნებ გავიქცე წავიღო ეს ფული ფირმაში, მაგრამ მე რომ ეს ფული წამეღო ფირმაში, მე დარწმუნებული ვიყავი, რომ იქიდან ცოცხალი ვერ გამოვიდოდი. ჩემს ადგილზე სველი ადგილი თუ დარჩებოდა,“-განაცხადა ალექსანდრე ხაჩიშვილმა.