„ომეგა ჯგუფის“ საქმე და ბიუჯეტისადმი არსებული დავალიანება - „საქართველოს ბანკის“ მიერ გავრცელებული განცხადების თანახმად, „ომეგა ჯგუფის“ დავალიანება 84 მილიონ ლარზე მეტს შეადგენს და ჯგუფი ბანკის მიმართ ვალდებულებებს 2016 წლიდან მოყოლებული არ ასრულებს:

„საქართველოს ბანკი კიდევ ერთხელ აცხადებს, რომ სს „საქართველოს ბანკის“ მიმართ „ომეგა ჯგუფს“ აქვს დავალიანება, რომელიც ჯამურად 84 მილიონ ლარზე მეტს შეადგენს. „ომეგა ჯგუფი“ ბანკის მიმართ ვალდებულებებს 2016 წლიდან მოყოლებული არ ასრულებს და ამ დავალიანებასთან დაკავშირებით სასამართლოში მიმდინარეობს დავა. „ომეგა ჯგუფის“ წარმომადგენელები მიზანმიმართული ქმედებებით მაქსიმალურად ცდილობენ სასამართლო პროცესის გაჭიანურებას. ამასთან „ომეგა ჯგუფის“ დამფუძნებლის და მფლობელის ზაზა ოქუაშვილის მცდელობა, ორ კერძო კომპანიას შორის სამართლებრივი დავა გადაიყვანოს პოლიტიკურ ჭრილში - საქართველოს ბანკისთვის მიუღებელია. საქართველოს ბანკი კვლავ გამოიყენებს დავალიანების ამოღების მის ხელთ არსებულ ყველა სამართლებრივ შესაძლებლობას“, - ნათქვამია „საქართველოს ბანკის“ მიერ გავრცელებულ განცხადებაში.