ბიძინა ივანიშვილთან შეხვედრას, სადაც ზაზა ოქუაშვილს, ყოფილმა პრემიერმა 4 მილიონი მოსთხოვა, გიორგი გახარიაც ესწრებოდა. ამის შესახებ განცხადება „ომეგა ჯგუფის“ დამფუძნებელმა „კვირის აქცენტებთან“ გააკეთა. მისი თქმით ამ პერიოდში, გიორგი გახარია ბიზნესომბუდსმენი და საქმეებში კარგად ჩახედული პირი იყო.

„ივანიშვილმა 4 მილიონი, რომ მთხოვა, ესწრებოდნენ ივანიშვილი, გახარია, ლევანი და მე ვიყავი იქ. გახარია გახლდათ ომბუდსმენი. ომბუდსმენი კარგად აგროვებდა პრობლემებს. გახარია არ იყო შს მინისტრი. ეს იყო 2016 წელი უკვე და მეორე შეხვედრა იყო არა იანვარში შეიძლება ორი სამი თვის მოგვიანებით. გახარიამ თქვა ამასწინათ, რომ მან კარგად იცის, ომბუდსმენი იყო და ბიზნესის ანატომია და ამ ანატომიაში იყო ერთ-ერთი შემადგენელი ნაწილი, ორგანო შეიძლება გამოვითვალოთ რომელი როგორ,“ - განაცხადა ზაზა ოქუაშვილმა.

ივანიშვილის "პირველი წრეა" გახარია, უჩა ჩხარტიშვილი, ეს არის ერთ ორბიტაზე მყოფი და ყველა თავის როლს ასრულებდა - „ომეგა ჯგუფის“ დამფუძნებელი ზაზა ოქუაშვილი ამბობს, რომ მის მიერ ჩამოთვლილი ყველა პირი, ბიძინა ივანიშვილის სხვადასხვა დავალებების ადრესატია.

ოქუაშვილი ამბობს, რომ მას ფარცხალაძე ფსიქოლოგიური ზეწოლის მოხდენის მიზნით სწორედ ვანო ჩხარტიშვილმა შეახვედრა.

„გახარია ასრულებდა მის (ივანიშვილის) მარცხენა ხელის როლს, ეუბნებოდა, რომ ეს საქმე უნდა შესრულებულიყო, 4 მილიონი უნდა გასულიყო და გახარიამ დიდი როლი შეასრულა ბანკზე ზეწოლისთვის. მეორე იყო მარჯვენა ხელი თუ რომელი უჩა და ჩხარტიშვილი. ჩხარტიშვილმა შემახვედრა ამას(ფარცხალაძეს), რომ მოეხდინა ფსიქოლოგიური ზეწოლა, შემდეგ ივანიშვილი თვითონ ჩაერია და იკადრა, ეტყობა ეს იყო ცისარტყელა და ეს იყო გახსნა ცისა, რომ უნდა გადაგველოცა 50% ოცნების პარტიისთვის.

"მაგათ უნდოდათ, რომ 50% წაეღოთ პარტიაში, 25-25% როგორც სოციალიზმში მყოფ ფირმებს გაეყოთ თანაბრად სხვადასხვა პროდუქტის მიხედვით და ეს ბიზნესი უნდა ყოფილიყო აბსოლუტურად გამყარებული იმ პატენტზე, რომელიც ომეგას საკუთრება იყო. მაგრამ ამას ვერ გამოვიყენებდით ჩვენ. ამ შეხვედრების დროს მესმოდა, როგორ წყვეტდნენ ეგენი საქმეს სასამართლოში. მესმოდა როგორ ურეკავდა ფარცხალაძე პირდაპირ გენერალურ პროკურორს,“ - ამბობს ოქუაშვილი.