"შავი ძალის ორივე სახეს ვიწვევ დებატებში" - ზურაბიშვილი ოპონენტებს დებატებში იწვევს

პოლიტიკა - 20:47, 28 Sep, 2018

2248

პრეზიდენტობის კანდიდატი, სალომე ზურაბიშვილი ოპონენტებს დებატებში იწვევს. ამის შესახებ ზურაბიშვილმა განცხადება ბრიფინგზე გააკეთა. როგორც მმართველი გუნდისგან მხარდაჭერილმა კანდიდატმა აღნიშნა, საქართველოშ წინასაარჩევნო არაევროპულია და მის წინააღმდეგ ოპონენტები ცილისმწამებლურ განცხადებებს აკეთებენ. ზურაბიშვილი დებატებს ნეიტრალურ სივრცეში ითხოვს:

„ვითარდება არაცივილური, არაევროპული, არაღირსეული კამპანია. ყველაზე მიუღებელი ჩემთვის არის არა ეს ბრალდებები და შეურაცხყოფები, რაც პერსონალურად ჩემ წინააღმდეგ არის წარმოთქმული, არამედ ის, რაც ეხება ჩემს დამოკიდებულებას ამ ქვეყანასთან მიმართებით, რაც წარმოადგენს ერთგვარ წითელ ხაზს. ასეთ პირობებში, ნებისმიერი ღირსეული ადამიანი არ დათანხმდებოდა და არ მიიღებდა მონაწილეობას დებატებში იმ შავი ძალის წარმომადგენლებთან, რომლებიც ამ ყველაფერზე მიდიან და არ ჩერდებიან. ბევრი ვიფიქრე და გამომდინარე იქიდან, რომ მე პატივს ვცემ საზოგადოებასა და ამომრჩევლებს, ასევე პატივს ვცემ საარჩევნო ვითარებას, ჩავთვალე, რომ უნდა გადავლახო ყველაზე ძლიერი განცდა, რაც მე გამაჩნია. ამიტომ გადავწყვიტე, ავიღო ინიციატივა და ვთქვა, რომ მე ამ შავი ძალის ორივე სახეს ვიწვევ დებატებში და მივიღებ მონაწილეობას ნეიტრალურ სივრცეში, რათა დავაფიქსირო ჩემი სიმართლე, ჩემი პოზიციები და ყველასთვის ნათელი მოვფინო იმას, რაც ხდება დღეს ქვეყანაში.“ – განაცხადა სალომე ზურაბიშვილმა.