სუს-ის ზეწოლა საუბნო კომისიის მდივნებზე - მურთაზ ზოდელავა ზუგდიდის საოლქო კომისიის თავმჯდომარის გადადგომას ითხოვს

პოლიტიკა - 11:33, 28 Sep, 2018

1024

"ნაციონალური მოძრაობის" სამეგრელი-ზემო სვანეთის რეგიონული კოორდინატორი მურთაზ ზოდელავა ზუგდიდის საოლქო საარჩევნო კომისიის თავმჯდმარის მირანდა მესხის დაკავებული თანამდებობიდან გადადგომას ითხოვს.
როგორც ზოდელავამ აღნიშნა, ცესკოს თავმჯდომარის ახლო ნათესავი მირანდა მესხი ცდილობს ააწყოს გაყალბებების აპრობირებული მეთოდი.

ზოდელავას განცხადებით, საუბნო კომისიის თავმჯდომარეებზე და მდივნებზე მიმდინარეობს ზეწოლა, რადგან ისინი უარს აცხადებენ ჟვანიას უკანონი დავალების შესრულებაზე.
ოპოზიციის წარმომადგენლის მტკიცებით, აღნიშნუილ პირებზე სუსი ახდენს ზეწოლას.
მურთაზ ზოდელავას თქმით, ზუგდიდის საოლქო საარჩევნო კომისიის წინააღმდეგ უპრეცენდენტოდ დიდი რაოდენობის, 140 საჩივარია დაწერილი.

"ზუგდიდის საოლქო საარჩევნო კომისიის მიმართ დაიწერა 140 განცხადება. ეს არის უპრეცენდენტო ციფრი. არასდროს საქართველოს საარჩევნო ისტორიაში ამდენი საჩივარი, ასეთ მოკლე ვადეში არ დაწერილა. მირანდა მესხი, რომელიც არის საოლქო კომისიის თავმჯდომარე ქართული ოცნებიდან, რომელიც ასევე თამარ ღვანიას ნათელ-მირონია, ცდილობს წინა წლებში აპრობირებული გაყალბების სქემა ააწყოს. ყველა მისი უკანონო საქმიანობა არის დარეგისტრირებული. საუბნო კომისიების თავმჯდომარეებსა და მათ მოადგილეებს არ სურთ მუშაობა, რადგან იციან თუ რა გაყალბებებზე, მოუწევთ ხელის მოწერა, ხოლო მათზე ზეწოლას ახორციელებს მირანდა მესხი. გარდა ამისა არის სავალალო მდგომარეობა საოლქო საარჩევნო კომისიაში, უკვე დაწერილია 140-ზე მეტი საჩივარი სხვადსხვა პროცედურულ დარღვევებზე. ასეთი სავალალო მდგომარეობა არ არის საქართველოს არცერთ ოლქში. მე მინდა მოვუწოდო საოლქო კომისიის თავმჯდომარეს მირანდა მესხს, რომ დაწეროს განცხადება და დატოვოს თანამდებობა, რადგან რასაც ახლა მესხი აკეთებს, ის სავალალო შედეგით"- აღნიშნა ზოდელავამ.