"კალაძემ დასაქმების მინისტრის ძმა დაასაქმა მერიაში" - ენმ სერგეენკოსა და კალაძეს ნეპოტიზმში ადანაშაულებს

პოლიტიკა - 20:19, 27 Sep, 2018

3390

“ერთანი ნაციონალური მოძრაობის“ წევრის ლევან ხაბეიშვილის თქმით, მმართველი გუნდი მაღალანაზღაურებად პოზიციზე საკუთარ ნათესავებს კონკურსის გავლის გარეშე ნიშნავს. ოპოზიციის წარმომადგენელს მაგალითად დავით სერგეენკოს ძმის შემთხვევა მოჰყავს და ჯანდაცვის მინისტრს ნეპოტიზმში ადანაშაულებს.

ლევან ხაბეიშვილი თბილისის მთავრობისგან მოითხოვს სერვისების განვითარების სააგენტოდან რამდენიმე თვის წინ უკონკურსოდ დანიშნული ჯანდაცვის მინისტრის ძმა გაათავისუფლონ.

„საქმე გვაქვს ნეპოტიზმთან, ანუ კახი კალაძემ მოწყალება გაიღო და ჯანდაცვის და დასაქმების მინისტრის დავით სერგეენკოს ძმა დაასაქმა მერიაში. დაასაქმა სამსახურში, რომელიც დაკავებულია დანა-ჩანგლის ხმარების სწავლებით. ყოველთვიურად სერგეენკოს ძმა, დეპუტატზე მეტს, 3 ათას ლარზე მეტს ღებულობს. ის რამდენიმე თვეა მერიაში მუშაობს და მისმა ანაზღაურებამ 15 ათას ლარს გადააჭარბა. მოხდეს სასწრაფოდ ამ ადამიანთან ხელშეკრულების გაწყვეტა, მითუმეტეს რომ დანიშნეს ყოველგვარი კონკურის და შეფასების გარეშე.“- განაცხადა ლევან ხაბეიშვილმა.

დღეს ლევან ხაბეიშვილის საპასუხოდ ქალაქის მერმა განაცხადა, რომ დავით სერგეენკოს ძმის დანიშვნის შესახებ არაფერი იცის.

„ვინ არის დანიშნული? არ ვიცი, ვერ გეტყვით, მიმართეთ სერვისების სააგენტოს და ის გაგცემთ პასუხს. 22 ათასი თანამშრომელი მუშაობს მერიაში და როგორ ფიქრობთ მათ დანიშვნაში პირადად მერია ჩართული? რა მნიშვნელობა აქვს ვინც არ უნდა იყოს კითხეთ ხელმძღვანელს და გაგცემთ პასუხს“- განაცხადა კახა კალაძემ.

სერვისების განვითარების სააგენტოში ნიკოლოზ სერგეენკოს დასაქმების შესახებ , ვრცელი განმარტება საკრებულოს ფრაქცია „ქართულ ოცნებაში“ გააკეთეს.

„თემა ეხება ვებდიზანის სპეციალისტის დროებით, გარკვეული ვადით აყვანას, ვაკანსია ჯობ,ჯი-ზე 2018 წლის თებერვლის თვეში გამოცხადდა. შეირჩა პირველ ეტაპზე 10 განაცხადი. ეტაპების გავლის და კრიტერიუმების დაკმაყოფილების შემდეგ შეირჩა ეს პიროვნება, რომელსაც აქვს 14 წლიანი გამოცდილება ამ სექტორში. მცდელობა რომ ეს ნეპოტიზმში გაიყვანონ ადასტურებს იმას რომ აგონიაში არიან.“- განაცხადა თბილისის საკრებულოს ქონების მართვისა და საფინანსო-საბიუჯეტო კომისიის თავმჯდომარე ირაკლი ზარქუამ.

ქალაქ თბილისის მუნიციპალიტეტის მერიის ა(ა)იპ მუნიციპალური სერვისების განვითარების სააგენტო ქალაქ თბილისის მუნიციპალიტეტის 2015 წლის 10 ივნისის მთავრობის განკარგულების საფუძველზე შეიქმნა.

სააგენტოს მიზნებია , თანამედროვე ინფორმაციული ტექნოლოგიების დანერგვითა და გამოყენებით ქალაქ თბილისის მუნიციპალიტეტის მერიის სტრუქტურული ერთეულებისა და ტერიტორიული ორგანოების: ერთიანი ელექტრონული სერვისების განვითარება და ხელმისაწვდომობა , ერთიანი გეოსივრცით მონაცემთა ელექტრონული სისტემების დანერგვა და განვითარება, ელექტრონული საქმისწარმოების გამარტივების პროცესის ხელშეწყობა