"მათი მიზანია გადაფარონ სკრიპალების თემა კონტრბრალდებებით"- ექსპერტები სერგეენკოს უწყებიდან რუსეთში ინფორმაციის გაჟონვას ეხმაურებიან

პოლიტიკა - 20:00, 27 Sep, 2018

1393

საქართველოს ხელისუფლება საერთაშორისო სკანდალში ეხვევა. რიჩარდ ლუგარის სახელობის ლაბორატორიის საქმიანობის შესახებ ჯანდაცვის მინისტრის და ამერიკის საელჩოს მიმოწერა მოსკოვში მოხვდა. ოკუპანტმა ქვეყანამ კი ჯანდაცვის მინისტრის, დავით სერგეენკოს წერილები პროპაგანდისტულ იარაღად აქცია.

როგორც მედიამკვლევარები აცხადებენ, რუსეთი ცდილობს, სკრიპალების ნოვიჩოკით მოწამვლის საქმეში რუსული კვალი გადაფაროს და იმის მტკიცება დაიწყეს რომ თავად დასავლეთი და აშშ „წამლავს“ ხალხს.

„რუსეთის მოქალაქეს ედება ბრალი სკრიპალების მოწამვლაში და ერთ-ერთი ГРУ-ს თანამშრომელი იყო - საერთშორისო გამოძიება ამას აჩვენებს. ამ ფონზე რუსული მედია თითქმის ყოველდღიურად და მათი ქართველი სატელიტები ადგილზე ხელოვნურად ცდილობენ შექმნან ვითარება თითქოს უცხოელები წამლავენ ქართველ ხალხს, იმის საპირისპიროდ, რომ კონკრეტული ფაქტი არის სკრიპალების მოწამვლის მცდელობის ნოვიჩოკით, ეს არის დაგეგმილი კამპანია კრემლის მხრიდან. მათი მიზანია გადაფარონ სკრიპალების თემა კონტრბრალდებებით ეს არის რუსეთის სტილი და ჩვენ აქ ვიღებთ ვითარებას, როდესაც მარტივი ინფორმაციის მოპოვება ისეთ უწყინარ საკითხებზე და წარმატებულ პროექტებზე, როგორიც თუნდა C ჰეპატიტის პროგრამაა, ჯანდაცვის სამინისტროდან არის პრაქტიკულად შეუძლებელი,“ - ამბობს მედიის განვითარების ფონდის აღმასრულებელი დირექტორი, თამარ კინწურაშვილი.