აქვს „რუსეთის გმირის“ წოდება და ომობდა უკრაინაში- სკრიპალების მოწამვლაში ეჭვმიტანილი „ბოშიროვის“ ნამდვილი ვინაობა გამჟღავნდა

მსოფლიო - 18:18, 27 Sep, 2018

5354

სკრიპალების მოწამვლაში ერთ-ერთი ეჭვმიტანილის რუსლან ბოშიროვის ნამდვილი სახელი და გვარი ანატოლი ჩეპიგაა.
ამის შესახებ ინფორმაციას Bellingcat-ი და The Insider-ი ავრცელებენ.

როგორც გამოცემები წერენ ანატოლი ჩიპიგამ ГРУ-ს ოფიცრების მოსამზადებელი სასწავლებელი წარმატებით დაამთავრა, რის შემდეგაც მუშაობა დაიწყო ГРУ-ს სპეცრაზმის მე-14 ბრიგადაში.

2014 წელს ჩეპიგამ „რუსეთის გმირის“ წოდება მიიღო „სამშვიდობო მისიის შესრულებისთვის“.

„სამშვიდობო მისიაში“ სავარაუდოდ რუსეთის უკაინაში შეჭრა იგულისხმება (იმ დროისთვის რუსეთის ოპერაცია სირიაში დაწყებული არ იყო), ჩეპიგას დანაყოფი შემჩნეული იყო უკრაინის საზღვრის სიახლოვეს.“- წერენ გამოცემები.

ბოშიროვის ნამდვილი ვინაობის დადგენა მისი ДВОКУ-ს (Дальневосточное высшее общевойсковое командное училище) კურსდამთავრებულების ფოტოების მეშვეობით მოხერხდა. აღნიშნული სასწავლებელი უცხოეთის ოპერაციებისთვის ГРУ-ს აგენტებს ამზადებს. ამასთანავე გამოძიებისას სისტემაში აღმოჩენილი იქნა ჩეპიგას „რუსეთის პასპორტიც“, რომლის ფოტოზეც ის ისე გამოიყურება როგორც ე.წ „ბოშიროვი“. ამასთანავე ქვეყნდება ჩეჩნეთში გადაღებული ფოტოც სადაც ერთ-ერთი პირი ძალიან გავს ე.წ „ბოშიროვს“.

შეგახსენებთ, ყოფილი რუსი ორმაგი ჯაშუში სერგეი სკრიპალი და მისი ქალიშვილო სოლსბერიში მარტში მოწამლეს. ლონდონმა დანაშაულში ეჭვმიტანილებად რუსეთის მოქალაქეები "რუსლან ბოშოროვი" და "ალექსანდრ პეტროვი" გამოაცხადა. სკოტლანდ იარდი მათ რუსეთის სამხედრო დაზვერვის თანამშრომლებად მიიჩნევს.

"ბოშიროვის" შესახებ გამოცემების მიერ გამოქვეყნებულ ინფორმაციას რუსეთი უარყოფს და მას მორიგი ცრუ ინ ფორმაციის "შემოგდებას" უწოდებს.