"საქართველოს შემდეგ უკრაინა, ლიტვინენკო - სკრიპალი, ალეპო-იდლიბი..."- პოროშენკო თვლის, რომ ეს შედეგი რუსეთის დაუსჯელობის ბრალია

მსოფლიო - 15:02, 27 Sep, 2018

2388

ყირიმის ოკუპაციის შემდეგ რუსეთის ფედერაცია აზოვის ზღვის ოკუპირებას ცდილობს, რომელიც უკრაინასა და რუსეთს შორის მდებარეობს. ეს მცდელობები უნდა აღიკვეთოს, გაეროს კონვენციით „ზღვის კანონთან“ დაკავშირებით და ასევე სანქციების პოლიტიკის გაძლიერების გზით. ასეთი განცხადება გააკეთა გაეროს გენერალური ასამბლეის 73-ე სესიაზე გამოსვლისას უკრაინის პრეზიდენტმა პეტრო პოროშენკომ .

„სათანადო სასჯელის არარსებობის ბრალია, რომ საქართველოს შემდეგ უკრაინის ჯერი დადგა, ლიტვინენკოს შემდეგ სკრიპალის, ალეპოს შემდეგ იდლიბის. კრემლი არ აპირებს ამაზე გაჩერებას... ასეთი უხეში ქმედებები ცნობილი უნდა იქნას უკანონოდ და აღიკვეთოს გაეროს კონვენციით „ზღვის კანონთან“ დაკავშირებით. მათ მკაცრი პასუხი უნდა გაეცეთ, მათ შორის სანქციებით და სხვა მიზანმიმართული ზომებით“- განაცხადა უკრაინის პრეზიდენტმა.

პოროშენკოს თქით, ქერჩის ხიდის უკანონო მშენებლობის შემდეგ რუსეთი სისტემატურად არღვევს საერთაშორისო ნავიგაციის თავისუფლებას ქერჩის ყურეში, ნებისმიერი გემისთვის, მათ შორის უცხოური.

შეგახსენებთ, აშშ ასევე თვლის, რომ რუსეთი აზოვის ზღვის ანექსირებას ცდილობს.