რუსთაველის გამზირზე გუშინ სამართალდამცავებსა და აქციის მონაწილეებს შორის მომხდარ ინციდენტს შინაგან საქმეთა მინისტრი გიორგი გახარია გამოეხმაურა. მინისტრის განცხადებით, ადგილი ჰქონდა პროვოკაციას, რაზეც პოლიციამ შესაბამისი რეაგირება მოხდინა.

„შინაგან საქმეთა სამინისტრო იცავს და პატივს სცემს გამოხატვის თავისუფლებას. ერთ მნიშვნელოვნად და აქ ორი აზრი არ არსებობს ჩვენ ჩვენი მუშაობის სტილით ეს არაერთხელ ავხსენით და დავუმტკიცეთ საზოგადოებას. თუმცა ჩვენ ხომ არ ვართ მხოლოდ და მხოლოდ ამ კომპონენტზე პასუხისმგებელი. ჩვენ მართლწესრიგის და უსაფრთხოების დაცვის უაღრესად მნიშვნელოვანი პასუხისმგებლობაც გვაკისრია. ამიტომ როდესაც გვაქვს დასაბუთებული ინფორმაცია, რომ შესაძლებელია მოხდეს გარკვეული პროვოკაციები, რა თქმა უნდა ჩვენ მართლწესრიგს ვიცავთ იმ ლეგიტიმური საშუალებებით რომელიც გაგვაჩნია,“-განაცხადა გიორგი გახარიამ.