საქართველოს თავდაცვის მინისტრი ლევან იზორია გმირთა მოედანზე საქართველოს ერთიანობისთვის დაღუპულ გმირთა მემორიალთან იმყოფებოდა. მან განაცხადა, რომ საქართველოს ვალდებულებაა, ქვეყნის დეოკუპაციისთვის მშვიდობიანი გზით ყველაფერი გაკეთდეს, რათა უზრუნველყოფილი იყოს საერთო კეთილდღეობა:

„27 სექტემბერი არის რუსეთის აგრესიით გამოწვეული ქართველთა და აფხაზთა საერთო ტრაგედია, რომელსაც ჩვენი საერთო ქვეყნის ოკუპაცია მოჰყვა შემდეგში. დღეს ჩვენი ვალდებულებაა, მხოლოდ და მხოლოდ მშვიდობიანი გზით ყველაფერი გავაკეთოთ ჩვენი ქვეყნის დეოკუპაციისა და საერთო კეთილდღეობის უზრუნველყოფისთვის“, – აღნიშნა ლევან იზორიამ.

სოხუმის დაცემიდან დღეს 25 წელი გავიდა.