„დიდი ხანია ლონდონში არ ვყოფილვარ და დიდი სიამოვნებით ჩავალ"

„დიდი ხანია ლონდონში არ ვყოფილვარ და დიდი სიამოვნებით ჩავალ" - გახარია სასამართლოში დაბარებაზე

პოლიტიკა - 10:26, 27 Sep, 2018

2378

შს მინისტრი ლონდონის სასამართლოში გამოცხადებას აპირებს. გიორგი გახარიამ "ომეგა ჯგუფის" და ტელეკომპანია "იბერიას საქმეზე მისი ლონდონის სასამართლოში დაბარების საკითხზე დღეს გააკეთა კომენტარი.

შესაბამისი კითხვის საპასუხოდ მინისტრმა თქვა, რომ ლონდონში დიდი ხანია არ ყოფილა და აუცილებლად ჩავა.

მისი თქმით ყველა კითხვას, რომელიც საზოგადოებაში მაღალჩინოსნების მიმართ ჩნდება, შესაბამისმა ორგანოებმა კითხვები უმოკლეს დროში უნდა გასცენ.

„დიდი ხანია ლონდონში არ ვყოფილვარ, ერთი ექვსი წელია და დიდი სიამოვნებით ჩავალ.

კიდევ ერთხელ გავიმეორებ, როდესაც არსებობს ეჭვები, განსაკუთრებით ჩინოვნიკებთან დაკავშირებით რა თქმა უნდა შესაბამისმა უწყებებმა უნდა იმოქმედონ კანონის სრული დაცვით და რაც შეიძლება სწრაფად. იმისათვის, რომ გაურკვეველ კითხვებს გაეცეს შესაბამისი პასუხები“-ამბობს მინისტრი გახარია.

საუბარია "ომეგა ჯგუფის" სარჩელზე, რომლითაც კომპანიამ ლონდონის სასამართლოს მიმართა. როგორც კომპანიის ბრიტანელმა ადვოკატმა განაცხადა, ლონდონის სასამართლოს წინაშე ივანიშვილთან ერთად, გიორგი გახარია, დიმიტრი ქუმსიშვილი, ნოდარ ხადური, ლევან ყიფიანი და ანზორ ჩუბინიძე წარსდგებიან.