დიდხანს მოუნდებიან ჩემს გამოკითხვას, ყველაფერს ვიტყვი - ნატო ჩხეიძე პროკურატურაში დაიბარეს

პოლიტიკა - 09:42, 27 Sep, 2018

1250

ტელეკომპანია „იბერიას“ და „ომეგა ჯგუფის“ დამფუძნებელმა, დეპუტატმა ნატო ჩხეიძე „იბერიას“ საქმის ფარგლებში თბილისის პროკურატურაში გამოკითხვაზეადაბარებული. დეპუტატი ამბობს, რომ საქმის სწორად გამოძიების იმედი არ აქვს.

დიდხანს მოუნდებიან ჩემს გამოკითხვას... რასაკვირველია ვიტყვი ყველაფერ იმას, რაც ვიცი. დიდხანს მოუნდებიან ჩემს გამოკითხვას დარწმუნებული ვარ, მაგრამ სიმართლე გითხრათ არ მაქვს იმის მოლოდინი, რომ შემდგომ ჩემი ნაამბობიდან სწორ ანალიზს გააკეთებენ. კარგად გვახსოვს პარლამენტის თავმჯდომარის მესიჯი, თუ როგორ უნდა მოამთავრონ ეს საქმე. ყველაფერი ძალიან ხელისგულზე დევს, ძალიან თვალსაჩინოა და ასე თავდაყირა ვეღარ წაიყვანენ,“-განაცხადა ნატო ჩხეიძემ.

დღეს საგამოძიებო უწყებაში ყველა ის პირია დაბარებული, რომლებზეც მმართველი გუნდის წარმომადგენლების მხრიდან სავარაუდოდ ზეწოლა მიმდინარეობდა.

„ომეგა ჯგუფში“ შემავალი კომპანიების დირექტორები დაბარებულები არიან ქალაქ თბილისის პროკურატურაში. ჩვენი ამოსავალი წერტილი არის ის, რომ ამ საქმეზე გამოძიებას მაქსიმალურად ხელი შევუწყოთ. აღნიშნული პირები თუ რაიმე ინფორმაციას ფლობენ ამასთან დაკავშირებით ისინი მაქსიმალურად ითანამშრომლებენ, მიაწვდიან ინფორმაციას,“-აცხადებს ტელეკომპანია „იბერიას“ ადვოკატი გიორგი ფანცულაია.