"კრესლოებსჩაჭიდებული ხელისუფლება ყველაფერს აკეთებს, რომ გაგვაღიზიანოს"

"კრესლოებსჩაჭიდებული ხელისუფლება ყველაფერს აკეთებს, რომ გაგვაღიზიანოს" - მალხაზ მაჩალიკაშვილი

პოლიტიკა - 16:49, 26 Sep, 2018

1232

პანკისის ხეობაში ჩატარებული სპეცოპერაციის შედეგად ლიკვიდირებული თემირლან მაჩალიკაშვილის მამა, მალხაზ მაჩალიკაშვილი ამბობს, რომ ხელისუფლება მათ გაღიზიანებას ცდილობს.

„ეს არის კანონსაწინააღმდეგო, რასაც სჩადიან დღეს ძალოვანი სტრუქტურების წარმომადგენლები, ყველაფერს აკეთებენ რომ გაგვაღიზიანონ. მე არ ვიცი როგორ უნდა ავხსნა ეს ყველაფერი. ერთი ცხადია, რომ ყველაფერს აკეთებენ რომ ყველაფერი ჩვენ საწინააღმდეგოდ იყოს გამიზნული,“ - განაცხადა მალხაზ მაჩალიკაშვილმა.

თემირლან მაჩალიკაშვილის მამა ამბობს, რომ მანამდე არ შეწყვეტენ აქციებს, სანამ ყველა ის ადამიანი არ დაისჯება, ვისაც კი რაიმე დანაშაული მიუძღვის ამ საქმეში.

„ისინი არ გვაძლევენ არასდროს არანაირ განმარტებას, ისინი მუშაობენ არასამართლიანი გზით. ამ ხელისუფლებას, ისინი არიან უკვე კრესლოებსჩაჭიდებულები. ისინი ფიქრობენ, აქ კარვები დაიდგმება, ხალხი გამოვა, თავიანთ სავარძლებს დაკარგავენ. ქვეყანა არის ფეხზე წამომდგარი, მთელი საქართველოს მოსახლეობა არის ჩვენ, ორი ადამიანის გვერდით,“ - განაცხადა მალხაზ მაჩალიკაშვილმა.

ზაზა სარალიძე ამბობს, რომ სამართალდამცავებმა უფლებამოსილ;ებას გადაამეტეს და წაართვეს კუთვნილი ნივთები. კერძოდ კარავი, რომლის გაშლასაც ის პარლამენტის მიმდებარე ტერიტორიაზე გეგმავდა.

პოლიციამ ის მანქანა გაჩხრიკა სადაც შვილმოკლული მამა. ჟურნალისტ ელისო კილაძესთან ერთად იმყოფებოდა.

დაპირისპირებისას სარალიძე შეუძლოდ გახდა. ამ დოისთვის ის მხარდამჭერებთან ერთად რუსთაველის გამზირზე იმყოფება, სადაც აქცია გაიმართება.