"ყველამ კარგად იცის, რომ ეს არის "ნაციონალების" აქცია"- კობახიძე შვილმოკლული მამების პროტესტზე

პოლიტიკა - 10:54, 26 Sep, 2018

5251

პარლამენტის თავმჯდომარემ ირაკლი კობახიძე ირწმუნება, რომ ხორავას ქუჩაზე მომხდარი მკვლელობის საქმეზე გამოძიებას ხელი არავისთვის დაუფარებია და ამას საგამოძიებო კომისიაც ადასტურებს.

„რა და როგორ მოხდა 90 %-იანი უტყუარობით ინფორმაცია არსებობს. პრობლემა არის ის, რომ მოსამართლეს თუ არ აქვს 100%-იანი მტკიცებულება, მას ვერ გამოაქვს განაჩენი. 2012 წლამდე ჩვენ გვქონდა 99.9% დანაშაულის გახსნის მაჩვენებელი. როტომ? იმიტომ, რომ თუ ვინმე არ იძლეოდა ჩვენებას, ამ შემთხვევაში ინსტრუმენტი იყი ხელკეტი და ცოცხი. ეს იყო ნაცმოძრაობის სტილი, ჩვენ ეს აღვკვეთეთ.

ხელის დაფარება ბუნებაში არ მომხდარა, მსგავსი ვერ დაადგინა კომისიამ ვერაფერი და ეს არც წერია კომისიის დასკვნაში. არანაირი ხელის დაფარება იქ არ მომხდარა.

ყველამ კარგად იცის, რომ ეს არის "ნაციონალების" აქცია. ეს არის ჩვეულებრივი პოლიტიკური აქცია. კიდევ ერთხელ ვამბობ, იქ არ არის არანაირი ნიშნები იმისა, რომ... კომისიას რეალურად ეს არ დაუდგენია, რომ ვინმემ ვინმეს ხელი დააფარა. რაც შეეხება იმას, რომ 100%-იანი მტკიცებულებით არ არის დადგენილი სასიკვდილო ჭრილობის მიმყენებელი პირი, ამას აქვს თავისი ობიექტური საფუძველი. სწორედ ამიტომ ვერ დაადგინა კომისიამაც, ვინ იყო ეს პირი. რატომ ვერ დაადგინა, სერგი კაპანაძემ ხელი დააფარა?! დაუსვით კითხვა კომისიის წევრებს, რომელ მხარეს იდგა მ.კ. და შეეძლო თუ არა მას ეს მკვლელობა ჩაედინა? ყველაფერი იცის კომისიამ", - განაცხადა ირაკლი კობახიძემ "ტვ პირველის" ეთერში, გადაცემა "რეაქციაში".