შავი ფულით დაფინანსებული „ქართული ოცნების“ საარჩევნო კამპანია - მმართველ გუნდში აღნიშნულ საკითხზე და გუშინ გავრცელებულ სკანდალურ ფარულ ჩანაწერებზე კომენტარებს აკეთებენ, რომლის მიხედვითაც ირკვევა, რომ სიგარეტის ბიზნესიდან გაყიდული თითოეული კოლოფის საფასურიდან 2.5 თეთრი მმართველი პარტიის საარჩევნო კამპანიის დასაფინანსებლად უნდა გადარიცხულიყო.

საკითხზე კომენტარს აკეთებს რეგიონული განვიტარებისა და ინფრასტრუქტურის მინისტრი მაია ცქიტიშვილი, რომლეიც „შავი სალაროს არსებობას გამორიცხავს“:

„გამოვრიცხავ ნებისმიერ მსგავს გარიგებას, ბიზნესზე ზეწოლას და მით უმეტეს, შავი სალაროს ან მინისტრებზე ლიმიტების არსებობას. ალბათ, ის კითხვაც უნდა გაგვიჩნდეს, რატომ გაჩნდა ასე მასიურად სხვადასხვა ტიპის ჩანაწერი სწორედ მაშინ, როდესაც კომპანიას უკვე ბევრი წლის განმავლობაში გადასახდელი თანხის გადახდის ვადამ ასე აქტიურად მოუწია,“- განაცხადა მაია ცქიტიშვილმა.