"შავ ყულაბაში ბიზნესს შეაქვს ფული - რომან გოცირიძე "ომეგა ჯგუფის" საქმეზე

პოლიტიკა - 18:24, 24 Sep, 2018

851

ფრაქცია ”ნაციონალური მოძრაობის” თავმჯდომარემ, რომან გოცირიძემ, ბიუროს სხდომაზე „ომეგა ჯგუფს“ საქმესთან დაკავშირებით ისაუბრა და ხელისუფლება ბიზნესის ტერორში დაადანაშაულა.

„სავსებით სამართლიანად ჩნდება ეჭვი, რომ შავ ყულაბაში ბიზნესს შეაქვს ფული,“ - თქვა დეპუტატმა.

მისი თქმით, პოლიტიკური ნების არსებობის შემთხვევაში, ყიფიანი ამ დრომდე უნდა დაეკავებინათ.

„თქვენი განცხადებიდან ჩვენ ასე გავიგეთ, რომ თურმე, „ქართულ ოცნებას“ ამ წინასაარჩევნოდ ვიღაცეები რაღაც დადგმულ ფარულ ჩანაწერებს უქმნიან. აქ საუბარია ადამიანზე, რომელთანაც უშუალოდ, ვისთანაც შეხებაში იყო თქვენი მინისტრი, სპორტის მინისტრი და ფაქტობრივად, სახელმწიფოს მაღალი წარმომადგენელი... თქვენ წესით, დღესვე უნდა მოითხოვოთ ყიფიანისთვის ხელბორკილების დადება ჩვენც გვაქვს ძლიან გონივრული ეჭვი, რომ ის საარჩევნო კამპანია, რომელიც თქვენ აწარმოეთ, პირველ არჩევნებში, ახლა საპარლამენტოში, თვითმმართველობის არჩევნებში, ის, რაც აუდიტის სამსახურმა თანხები გამოაქვეყნა, ეს არის დაახლოებით, 20-ჯერ ნაკლები, რაც თქვენ დახარჯეთ რეალურად. თქვენ მიერ ნაჩვენები და თქვენ მიერ დახარჯული საარჩევნო თანხები ასტრონომიულად არის აცდენილი ერთმანეთისგან. ამიტომ სავსებით სამართლიანად ჩნდება ეჭვი, რომ შავ ყულაბაში ბიზნესს შეაქვს ფული,“ - განაცხადა რომან გოცირიძემ.