„ივანიშვილი შეეცდება, ვანო მერაბიშვილი ციხიდან გამოვიდეს თავისიანი, ან პრობლემა „თავიდან მოიშოროს“

„ივანიშვილი შეეცდება, ვანო მერაბიშვილი ციხიდან გამოვიდეს თავისიანი, ან პრობლემა „თავიდან მოიშოროს“ - ბაჩუკი ქარდავა

პოლიტიკა - 18:16, 24 Sep, 2018

2018

ყოფილი პრემიერის ვანო მერაბიშვილის ჯანმრთელობის მდგომარეობას და ადვოკატების მიერ გაკეთებულ განცხადებას ეხმაურება გაერთიანებული ოპოზიციის „ძალა ერთობაში“ ერთ-ერთი ლიდერი ბაჩუკი ქარდავა.

ედპ-ის თავმჯდომარე მიიჩნევს, რომ ვანო მერაბიშვილი ივანიშვილის პირადი პატიმარია, რომლსაც „ქართული ოცნების“ ლიდერი საფრთხედ აღიქვამს.

„ვინც არ ემორჩილება, ივანიშვილი მას არ წყალობს, ანადგურებს!

ეჭვგარეშეა, რომ ვანო მერაბივილი ბიძინა ივანიშვილის პირადი ტყვეა და ის ყოფილ პრემიერს პირად საფრთხედ აღიქვამს!

მიუხედავად იმისა, რომ ადამიანი არის აღიარებული პოლიტპატიმრად, ივანიშვილი შეეცდება, მერაბიშვილი გამოვიდეს ციხიდან ან თავისიანი, ან მაქსიმალურად განახორციელოს მასზე სხვადასხვა სახის ზეწოლა, რომ პრობლემა „თავიდან მოიშოროს“.

ქვეყანაში არსებული უმძიმესი პოლიტიკური ვითარების ფონზე - დაწყებული სოციალურ-ეკონომიკური კრიზისით, კანაფის ეპოპეით გაგრძელებული და პუტინის ენით მოლაპარაკე საპრეზიდენტო კანდიდატით დამთავრებული, ოცნების ხელისუფლების ნაბიჯები უკვე ადექვატურობსგან იმდენად შორსაა, რომ ექსპერტებსაც კი უჭირთ დასკვენების გამოტანა - რას შვება ივანიშვილი?

ასეთ დროს ხელისუფლება ყველაზე უფრო საშიშია, როცა აღარ აქვს მეტი სვლა და ჩიხშია მოქცეული. ამიტომ, საზოგადოება, ყოველი ჩვენგანი ვალდებული ვართ, მაქსიმალური ყურადღება და მონიტორინგი იყოს ციხეებისკენ მიმართული - იქ , სადაც ივანიშვილს პირადი ანგარიშსწორებისთვის პოლიტიკური ოპონენეტები ჰყავს, სტრასბურგის სასამართლოს მიერ აღიარებული პოლიტიკური პატიმრები!“ - აცხადებს ბაჩუკი ქარდავა.