"უშუალოდ სერგეენკო იყო საქმის კურსში, თვალავაძე მისი ფარის ქვეშ მოქმედებდა“ - უფლებადამცველი ჯანდაცვის მინისტრის პასუხისმგებლობას აყენებს

პოლიტიკა - 16:15, 24 Sep, 2018

3132

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ე.წ. „სააფთიაქო ნარკომანიის“ სფეროში ფსიქოტროპული საშუალებების უკანონო ბრუნვის საქმეზე მიმდინარე გამოძიების ფარგლებში, მოსამართლის განჩინების საფუძველზე, სამსახურებრივი უფლებამოსილების ბოროტად გამოყენების ფაქტზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ სამედიცინო საქმიანობის სახელმწიფო რეგულირების სააგენტოს უფროსი გია თვალავაძე დააკავეს.

თვალაკვაძესთან ერთად, ბრალდებულის სახით დაკავებულები არიან უკანონო სამეწარმეო საქმიანობაში ჩართული საქართველოს მოქალაქეები: ნინო კ, ქეთევან ჩ, ლაშა ჩ, ნინო გ. და ნათელა მ.

ფაქტს უფლებადამცველი გიორგი მუხიგულაშვილი გამოეხმაურა და დავით სერგეენკოს პასუხისმგებლობის საკითხი დააყენა.

მისი თქმით, ყველა იმ უკანონო საქმეზე, რომელიც ჯანდაცვის სამინისტროში უკვე წლებია არსებობს სრულ ინფორმაციას ფლობს მინისტრი დავით სერგეენკო.

თვალაკვაძე ხმაურიან განცხადებას აკეთებს და აცხადებს, რომ მაღალჩინოსანი, რომელიც დღეს დააკავეს „სერგეენკოს ფარის ქვეშ მოქმედებდა“

"გია თვალავაძე მინიმუმ 15 მუხლით და მინიმუმ 4 წლის წინ უნდა მიეცათ პასუხისგებაში"... გამოვიდეს სერგეენკო და გაგვცეს კითხვებზე პასუხი, მისი ლაქია რატომ არის დღეს დაკავებული და არ არის 4 წლის წინ სისხლის სამართლის პასუხისგებაში მიცემული? ნებისმიერი განცხადება, რაც იწერებოდა გარდაცვალების შემთხვევაში სამედიცინო სფეროში ეს იყო უწყებათაშორის გაცვლა-გამოცვლაში ინფორმაციებში, უშუალოდ სერგეენკო იყო საქმის კურსში, რომელიც ფარი იყო გია თვალავაძის. მე დღეს ის არგუმენტები უფრო გამიმყარდა რომ გია თვალავაძე ფულს აგროვებდა როგორც საავადმყოფოდან ასევე სააფთიაქო ქსელებიდან, იმპორტიორი კომპანიებიდან ფულს იღებდა და ალბათ ამ ფულს მოჰყვა ძალიან დიდი აჟიოტაჟი“-ამბობს მუხიგულაშვილი.

უფლებადამცველი ამბობს, რომ მისი ინფორმაციით, ჯანდაცვის სამინისტროში გია თვალავაძეს რუხი კარდინალის სახელით მოიხსენიებენ, რადგან უწყებაში ის ბევრ სფეროს განაგებდა.

„ოთხი წლის განმავლობაში ჩემი მხრიდან მათი მხილება მიმდინარეობდა. რა დროსაც გამოიკვეთა ძალიან ბევრი სისხლის სამართლის დანაშაული. ეს არის ულიცენზიო საავადმყოფოები, კანონდარღვევით მიღებული ლიცენზიები, ექიმებზე მიყიდული სამოღვაწეო ლიცენზიები, ფსიქოტროპულ მედიკამენტებთან ურთიერთობა ასევე შავი გარიგებებით.

გია თვალავაძე დღეს იყო ჯანდაცვის სფეროში, დამკვიდრებული ჰქონდა სახელი,როგორც რუხი კარდინალი.ის განაგებდა ყველაფერს. დღეს სუს-მა გია თვალავაძე სამწუხაროდ დააკავა ერთი ბრალდებით, ეგ ადამიანი მინიმუმ, უნდა იყოს 15 ბრალდებით დაკავებული"-ამბობს გიორგი მუხიგულაშვილი.