მორიგი სკანდალური ჩანაწერი „ომეგა ჯგუფის“ საქმეზე, საიდანაც ირკვევა, რომ ე.წ. ფონდში თითოეული გაყიდული კოლოფი სიგარეტიდან 2,5 თეთრი ხვდება. ჯამურად, კი სახელისუფლებო პარტიის შავ ანგარიშებზე შესული თანხა ათეულობით მილიონს აღწევს. არჩილ თალაკვაძე იმ პირებს, ვინც „ომეგა ჯგუფის“ საქმესთან დაკავშირებით ინფორმაციას ფლობენ, გამოძიებასთან თანამშრომლობას ურჩევს.

„მე არ ვიცი, რა მოლოდინები არსებობდა იმ ადამიანის მხრიდან, ვინც ეს ჩანაწერები ცალ-ცალკე გააცნო საზოგადოებას. თავიდანაც ვთქვი და ახლაც მოვუწოდებ ყველას, ვისაც აქვს კონკრეტული მტკიცებულებები და ფაქტები, დროულად მიაწოდონ პროკურატურას ეს მასალა. რაც შეეხება გამოძიებას, დაწყებულია და თუ ვინმემ კანონი დაარღვია, ამაზე იქნება პრინციპული რეაგირება,“ - განაცხადა არჩილ თალაკვაძემ.