უცხოელებისა და მოქალაქეობის არმქონე პირთა სამართლებრივი მდგომარეობის შესახებ კანონში ცვლილებების შეტანის საკითხი - „ერთიანი ნაციო9ნალური მოძრაობა“ პარლამენტის ბიუროს სხდომაზე აღნიშნულ საკითხს დააყენებს.

პარტიის წარმომადგენლების განცხადებით, იმიგრაციის არსებული პოლიტიკა ქვეყნის სოციალურ სტაბილურობას საფრთხეს უქმნის.

რომან გოცირიძის თქმით, არსებული საფრთხეების გათვალისწინებით აუცილებელია, საქართველოში დროებითი და მუდმივი ბინადრობის უფლების მიღება გამკაცრდეს.

„აღებულია ევროპის გამოცდილება და უფრო შეესაბამება დღევანდელი საქართველოს მოთხოვნებს. თუნდაც რომ ავიღოთ საინვესტიციო ბინადრობის უფლება, დღეს არის ძალიან გამარტივებული და ეს არ ემსახურება ქვეყანაში ინვესტიციების შემოსვლას,“-განაცხადა რომან გოცირიძემ.