რუსეთის თავდაცვის სამინისტროში განაცხადეს, რომ სირიის ჰაერსაწინააღმდეგო ძალების მიერ რუსული თვითმფრინავის ჩამოგდებაში ისრაელია დამნაშავე.

რუსეთის თავდაცვის უწყებაში აცხადებენ, რომ ისრაელის სამხედრო თვითმფრინავი სირიის რაკეტისგან თავის დაღწევის მიზნით რუსულ თვითმფრინავს ამოეფარა.

"რუსული თვითმფრინავის ჩამოგდება, რასაც 15 რუსი სამხედრო ემსხვერპლა, ისრაელის საჰაერო ძალების ქმედებამ გამოიწვია. წარმოდგენილი მონაცემების საფუძველზე, შეიძლება ითქვას, რომ ისრაელელი პილოტების ქმედება იყო არაპროფესიონალური, ან საქმე გვაქვს დანაშაულებრივ გულგრილობასთან.

ამიტომ, მივიჩნევთ, რომ რუსული Ил-20-ის ჩამოვარდნასა და 15 რუსი სამხედროს დაღუპვაზე პასუხისმგებლობა სრულად ეკისრება ისრაელის სამხედრო საგარეო ძალებს და მათ, ვინც გადაწყვეტილებებს იღებდა და ბრძანებებს გასცემდა,"- აცხადებენ რუსები.

ინციდენტი 18 სექტემბერს მოხდა.