რუსი და ისლამისტი აგენტებისა და ჰაკერების წინააღმდეგ ბრიტანეთში კიბერარმია იქმნება

მსოფლიო - 13:04, 22 Sep, 2018

1875

დიდი ბრიტანეთის ხელისუფლება უახლოეს მომავალში გამოაცხადებს განსაკუთრებული გასამხედროებული ქვედანაყოფის შექმნის შეახებ, რომლის პირადი შემადგენლობაც 2000 ადამიანით განისაზღვრება. ქვედანაყოფის დანიშნულებაა შეტევითი ოპერაციები განახორციელოს კიბერსივრცეში, რომელიც მიმართული იქნება ისლამისტი ტერორისტების, რუსი, ჩინელი დასხვა ქვეყნების აგენტებისა და კიბერჰაკერების წინააღმდეგ. ქვედანაყყოფის დაფინანსებისათვის წელიწადში 325 მილიონი დოლარია გამოოფილი.

ბრიტანეთში კიბერდანაშაულის წინააღმდეგ მებრძოლი სტრუქტურები ადრეც არსებობდა, თუმცა ისინი მხოლოდ შეტევების მოგერიებასა და ჰაკერებიოს გამოვლენით იყვნენ დაკავებული. ამ ინიციატივის სიახლე მათი ერთი სტრუქტურის ქვეშ მოქცევა და შეტევითი ოპერაციების განხორციელებაა.

პარალელურად ბრიტანულ მედიაში ვრცელდება რამდენიმე წარმატებული შეტევითი კიბეროპერაციების შესქახებ ინფორმაცია. კერძოდ, ბრიტანელებმა ამერიკელებთან და ავსტრალიელებთან ერთად წარმატებული კიბერშეტევა განახორციელეს სირიასა და ერაყში არსებული "ისლამური სახელმწიფოს" კიბერტერორისტებისა და პროპაგანდისტების წინააღმდეგ. მათ ოპერაცია "ალმოდებული სიმფონიის" ფარგლებში სერიოზული დარტყმა მიაყენეს ტერორისტთა პროპაგანდისტულ ქსელს, მათ კავშირგაბმულობის სისტემებსა და ფინანსურ კავშირებს. სპეციალისტებმა შეაღწიეს სავალე მეთაურთა პირად სმარტფონებშიც და სერიოზული დეზორიენტაცია მოახდინეს მათ კოორდინირებულ მოქმედებებს.

სავარაუდოდ, ახალი სტრუქტურა თავდაცვის სამინისტროსა და ბრიტანეთის სამოქალაქო ელექტრონული დაზვერვის ერთობლივ დაქვემდებარებაში იქნება. ის ერთერთ გასაიდუმლოებულ სამხედრო ბაზაზე განთავსდება.