„თუ ზურაბიშვილი პრეზიდენტი გახდა, მე ვეცდები დავტოვო საქართველო“- მეუფე ანტონი (ვიდეო)

პოლიტიკა - 22:09, 22 Sep, 2018

11978

ვანისა და ბაღდადის მიტროპოლიტი, მეუფე ანტონი აცხადებს, რომ სალომე ზურაბიშვილი მისთვის მიუღებელი საპრეზიდენტო კანდიდატია და, თუ ის პრეზიდენტი გახდება, ეცდება, ქვეყანა დატოვოს.
ამის შესახებ მან "შაბათი კურიერთან" ინტერვიუში განაცხადა.

„მე ვიცი, რომ არ გახდება და თუ გახდა, მე ვცდილობ, როგორ დავტოვო საქართველო და არ ვიცხოვრო საქართველოში იმიტომ, რომ ვიცი, მომიწევს ისეთების გაკეთება, რაც არ შეეფერება ჩემს სახეს და ჩემს ყოფას" - ამბობს მეუფე.

მეუფე ანტონისთბის მიუღებელია სალომე ზურაბიშვილის პოზიცია აგვისტოს ომთან დაკავშირებით. მიტროპოლიტი მიიჩნევს, რომ არსებობს ქვეყნისთვის მოსალოდნელი საფრთხეები, რადგან მისი აზრით, სალომე ზურაბიშვილი არც გაპრეზიდენტების შემთხვევაში შეიცვლის აზრს.

„მისი აზროვნება ჩემი ქვეყნისთვის სავსებით მიუღებელია. მე იმ საქართველოში არ მინდა, სადაც მასეთი აზროვნებით იქნება... დავუშვათ, ასეც რომ ყოფილიყო, ყველა დონეზე ასეც რომ ყოფილიყო, ეს არ უნდა ეთქვა. არ გამხდარა და ასე არის და რომ გახდება, შეეცვლება უკეთესობისკენ აზრი? მე ნამდვილად არ მინდა იმ საქართველოში ცხოვრება... შეიძლება, თავშესაფარი ვითხოვო,“ - განაცხადა მეუფე ანტონმა.