"ბატონ ლევანს უნდა ვკითხოთ რას გულისხმობს..."- ნოდარ ხადურის პირველი კომენტარი სკანდალურ ჩანაწერებზე

პოლიტიკა - 15:20, 21 Sep, 2018

1693

მედიაში "ომეგა ჯგუფის" სკანდალური საქმეზე - ახალი სკანდალური ჩანაწერი ვრცელდება. "რუსთავი 2"-ის მიერ გავრცელებული აუდიოჩანაწერიდან ირკვევა, რომ „ომეგა ჯგუფის“ დამფუძნებლებს მინისტრებისთვის ძვირადღირებულ მანქანებს სძალავდნენ.

„კურიერის“ მიერ მოპოვებულ ჩანაწერში „ქართული ოცნების“ ერთ-ერთი დამფუძნებელი, ლევან ყიფიანი და „ომეგა ჯგუფის“ მენეჯმენტის წარმომადგენლები საუბრობენ.

ლევან ყიფიანი ორი მინისტრისთვის, ნოდარ ხადურისა და დიმიტრი ქუმსიშვილისთვის, ძვირადღირებულ მანქანებს და ფულს ითხოვს.

სკანდალურ ჩანაწერთან პირველ კომენტარს აკეთებს ფინანსთა ყოფილი მინისტრი ნოდარ ხადური, რომელიც ამჟამად კონკურენციის სააგენტოს ხელმძღვანელობს:

"არასდროს, არც მინისტრობის დროს, არც მანამდე, არმ მას შემდეგ, არცერთ ბიზნეს სუბიექტთან არაფორმალურ ურთიერთობაში არ ვყოფილვარ და ჩემთან არაფორმალური ვალდებულებები არავის არ ჰქონია, არ აქვს და არც ექნება. ძალიან დიდი იმედი მაქვს რომ ეს ჩანაწერი არ არის ავთენტური, თუ ავთენტურია, ბატონ ლევანს უნდა ვკითხოთ რას გულისხმობს. 4 წლის განმავლობაში, რაც მინისტრი ვიყავი და თითქმის 2 წელია კონკურენციის სააგენტოს ვხელმძღვანელობ, პრაქტიკულად ბიზენსთან მქონდა კომუნიკაცია საქართველოში, ვერავინ ვერ იტყვის, რომ მე მათთან რაიმე არაფორმალურ ურთიერთობაში ვიყავი. არ არის ეს ჩემი ცხოვრების და მუშაობის წესი. მინდა რომ რაც შეძლება მალე გაეცეს ყველაფერს პასუხი"- განაცადა "ტვ. პირველთან" ნოდარ ხადურმა.