მუხათგვერდში მოკლული მაზმიშვილის მეუღლე, მკვლელობასთან სადაზღვევო კომპანიის კავშირს არ გამორიცხავს

სამართალი - 14:59, 31 Aug, 2013

1978

როგორც მინაშვილი აღნიშნავს, გამოძიებისგან ჯერჯერობით ვერცერთ კითხვაზე პასხუი ვერ მიიღო. მას საგამოძიებო ორგანოში განუმარტყავენ, რომ მაზმიშვილის საქმის გახსნას მინიმუმ ერთი თვე მაინც დასჭირდება.

შეგახსენებთ, რომ გასულ კვირას, კერძო ბიზნესის მფლობელი, შალვა მაზმიშვილი საკუთარ ავტომობილში ჩაცხრილული იპოვეს. მაზმიშვილი საკონტროლო გასროლის შედეგად გარდაიცვალა, ავტომობილს კი ექვსი ტყვია ჰქონდა მოხვედრილი.

როგორც მინაშვილი "თავისუფალ ზონასთან" საუბრისას აღნიშნავს, მისი მეუღლის ავტომობილში 500-დან 700 ათას ლარამდე თანხა იყო მოთავსებული, გამოძიება მკვლელობის ერთ-ერთ ვერსიას აღნიშნულ გარემოებასაც უკავშირებს, თუმცა ვერ ადასტურებს, ადგილზე სამართალდამცავების მისვლის შემდეგ ისევ იყო ავტომობილში თანხა თუ არა. ასევე ცნობილია, რომ ავტომობილთან აღმოჩენილი იქნა სიგარეტის ნამწვავები. როგორც გარდაცვლილის მეუღლეს გამომძიებელმა განუმარტა, გარდაცვალებამდე მაზმიშვილს ცხარე საუბარი ჰქონდა უცნობ პირთან. თუმცა მოგვიანებით ეს ვერსია უარყვეს და სიგარეტის ნამწვავების არსებობა მუშებს დაბრალდათ.

ამასთანავე, თამარ მინაშვილი აცხადებს, რომ მის მეუღლეს დაზღვეული ჰქონდა ავტომობილი და საკუთარი სიცოცხლეც. ვარაუდით აღნიშნავს, რომ შალვა მინაშვილის გარდაცვალებაში შესაძლოა სადაზღვევო კომპანიაც იყოს ჩართული.