"სისხლის სამართლებრივი დევნის დაწყება არც პარლამენტის კომპეტენციაა და არც სახალხო დამცველის"

"სისხლის სამართლებრივი დევნის დაწყება არც პარლამენტის კომპეტენციაა და არც სახალხო დამცველის" - მეზვრიშვილი ომბუდსმენს პასუხობს

პოლიტიკა - 18:08, 20 Sep, 2018

993

შს მინისტრის მოადგილე სახალხო დამცველის საპასუხოდ ამბობს, რომ „სისხლის სამართლებრივი დევნის დაწყების შესახებ გადაწყვეტილების მიღება არც პარლამენტის კომპეტენცია გახლავთ და არც სახალხო დამცველის, არც შსს-სი მათ შორის".

ნათია მეზვრიშვილის თქმით, სისხლის სამართლებრივი დევნის დაწყების გადაწყვეტილებას იღებს არა შსს, არამედ პროკურატურა.

„ნებისმიერი იურისტისთვის კარგად არის ცნობილი და მე ვერ ვხვდები რატომ ხდება ასეთი განცხადებების გაკეთება, კარგად არის ცნობილი, რომ სისხლის სამართლის დევნის დაწყებას სჭირდება შესაბამისი მტკიცებულებების ერთობლიობა. ამიტომ ასე ხელაღებით ამაზე საუბარი, მე პირადად, მეც იურისტი გახლავართ, გამიჭირდება. თუ იქნება შესაბამისი მტკიცებულებები მათ შორის მ. კ. ს მიმართ, შინაგან საქმეთა სამინისტრო გამოყოფილი საქმის ფარგლებში, ისე რომ არ გაუცია არავის ამ საკითხთან დაკავშირებით რეკომენდაცია. ჩვენ არც სახალხო დამცველის რეკომენდაცია დაგვჭირდა, არც პარლამენტის რეკომენდაცია იქ სადაც მტკიცებულებები იყო,“- განაცხადა ნათია მეზვრიშვილმა.

პარლამენტმა ხორავას ქუჩაზე მომხდარი მკვლელობის საქმეზე, დროებითი საგამოძიებო კომისიის დასკვნის განხილვას დაიწყო. კომისიის დასკვნა, რომელიც „ევროპული საქართველოს“ წევრებმა მოამზადეს და კონკრეტული პირების პასუხისმგებლობაზე მიუთითებს, მმართველი გუნდისთვის მიუღებელია.

ომბუდსმენმა საგამოძიებო უწყებას ხორავას ქუჩაზე მოკლული მოზარდების საქმეზე დროებითი საგამოძიებო კომისიის რეკომენდაციის გათვალისწინება მოსთხოვა. საუბარია დოკუმენტზე სადაც აღნიშნულია, რომ საქმეში ერთ-ერთი მოწმის მიხეილ კალანდიას მიმართ სისხლის სამართლებრივი დევნა დაიწყოს.