გაერთიანებულ ოპოზიცია „ძალა ერთობაშია“-ში შემავალმა პოლიტიკურმა პარტიებმა უწყებათშორისი კომისია დატოვეს.

აღნიშნულის შესახებ დღეს გამართულ ბრიფინგზე ლევან ბეჟაშვილმა ისაუბრა.

„ბოლო პერიოდში უწყებათაშორისი კომისიის მუშაობასა და ამ კომისიის ხელმძღვანელის მიმართ ბევრი პრეტენზია დაგროვდა. როგორც პოლიტიკურ პარტიებს, ასევე არასამთავრობო ორგანიზაციებს არაერთი შენიშვნა და რეკომენდაცია ჰქონდათ, თუმცა ბოლო პერიდოში განვითარებული მოვლენები ცხადყოფს, რომ კომისია და მისი ხელმძღვანელი თეა წულუკიანი არ აპირებენ რადიკალური ცვლილებების შეტანას თავიანთ საქმიანობაში. მეტიც, დაიწყო შეზღუდვები იმ მონაწილეების მიმართ, რომლებიც კომისიის მუშაობაში ღებულობენ მონაწილეობას, არ ხდებოდა იმ საკითხებზე გადაწყვეტილებების მიღება, რომელიც კონკრეტულ სუბიექტებს აწუხებდათ. ამიტომ, ჩვენ ვტოვებთ უწყებათაშორის კომისიას და სხვა ფორმატში გავაგრძელებთ არასამთავრობო ორგანიზაციებთან კომუნიკაციას" - განაცხადა ლევან ბეჟაშვილი.