მარიხუანას კულტივაცია და შესაბამისი კანონპროექტი - საკითხზე კომენტარი საქართველოს იუსტიციის მინისტრმა თეა წულუკიანმა გააკეთა. წულუკიანის განცხადებით, „საპანიკო არაფერია“. მინისტრი მიიჩნევს, რომ მნიშვნელოვანია მარიხუანას კულტივაციის საკითხი მშვიდ და ემოციებისგან დაცლილ გარემოში იქნეს განხილული.

"თუ ყველა ერთად ჩავთვლით, რომ ეს ის შედეგია, რომელიც ჩვენს საკმაოდ შეჭირვებულ ფინანსურ ეკონომიკურ პირობებს შვებას მისცემს და მკაცრი კონტროლის ქვეშ სახელმწიფო უზრუნველყოფს, რომ შიდა ბაზარზე ეს ნივთიერება არ გავრცელდეს შეიძლება ჩავთვალოთ, რომ რატომაც არა.

მე არ ვთვლი, რომ რაიმე არის სანერვიულო წინასწარ, ან პანიკის საფუძველი არსებობს, რადგან მთავრობის ინიციატივის საფუძველი იყო ერთადერთი, რომ ჩვენმა ეკონომიკამ რაკი გვაქვს მნიშვნელოვანი გამოცდილება სასოფლო-სამეურნეო ინდუსტრიის სფეროში დაიკავოს საერთაშორისო ეკონომიკაში გარკვეული ნიშა ან ნიშები, რაც შემოუტანს შემოსავალს ჩვენს ქვეყანას"-ამბობს წულუკიანი.