წლევანდელ საპრეზიდენტო არჩევნებში ძირითადად დრაკონები და კიბოები მონაწილეობენ

პოლიტიკა - 17:05, 19 Sep, 2018

1609

ოქტომბრის ბოლოს საქართველოს ახალი პრეზიდენტი ეყოლება, წინასაარჩევნო პერიოდში საპრეზიდენტო კანდიდატების ყოველმხრივ განხილვა მიმდინარეობს, საინტერესო იქნება მათი ასტროლოგიის მხრივაც. რა ზოდიაქოს ნიშნის ქვეშ არიან დაბადებულნი საპრეზიდენტო კანდიდატები, მაშ ასე, წარმოგიდგენთ ყველაზე მეტად ცნობილი საპრეზიდენტო კანდიდატების ზოდიაქოს ნიშნებს:

ოპოზიციური გაერთიანების „ძალა ერთობაშია“ კანდიდატი გრიგოლ ვაშაძე 1958 წლის 19 ივლისსაა დაბადებული, ის ძაღლის წელში დაბადებული კირჩხიბია.

ევროპული საქართველოს კანდიდატი დავით ბაქრაძე 1972 წლის 1 ივლისსაა დაბადებული, ანუ ის ვირთხის წელში დაბადებული კირჩხიბია.

დრაკონის წელში დაბადებული კირჩხიბია თავისუფალი საქართველოს კანდიდატი #21 კახა კუკავა, ის 1976 წლის 12 ივლისსაა დაბადებული.

„თავისუფალი დემოკრატების“ კანდიდატი, „შენების მოძრაობის“ ლიდერი დავით უსუფაშვილი 1968 წლის 5 მარტსაა დაბადებული და ის მაიმუნის წელში დაბადებული თევზია.

ახალი პოლიტიკური ცენტრის „გირჩის“ საპრეზიდენტო კანდიდატი ზურაბ ჯაფარიძე 1976 წლის 1 იანვარს მოევლინა ქვეყანას, ამ მონაცემებით ის დრაკონის წელში დაბადებული თხის რქა გამოდის.

ხელისუფლების მიერ მხარდაჭერილი „დამოუკიდებელი კანდიდატი“ სალომე ზურაბიშვილი 1952 წლის 18 მარტსაა დაბადებული. ის დრაკონის წელში დაბადებული თევზია.

საქართველოს პირველი პრეზიდენტი ზვიად გამსახურდია 1939 წლის 31 მარტს იყო დაბადებული, ის კურდღლის წელში დაბადებული ვერძი იყო.

მეორე პრეზიდენტი ედუარდ შევარდნაძე 1928 წლის 25 იანვარს იყო დაბადებული- დრაკონის წელში დაბადებული მერწყული.

მესამე პრეზიდენტი მიხეილ სააკაშვილი 1967 წლის 21 დეკემბერსაა დაბადებული, ის თხის წელში დაბადებული მშვილდოსანია.

მეოთხე პრეზიდენტი გიორგი მარგველაშვილი კი 1969 წლის 4 სექტემბერსაა დაბადებული, ის მამლის წელში დაბადებული ქალწულია.