ტოგონიძე აღნიშნავს, რომ საღამოს ათ საათზე შინ არავინ იმყოფებოდა. მძარცველები სახლში ფანჯრიდან შევიდნენ. მოპარულია დაზარალებულის ორი ლეპტოპი, თანხა, 1600 ლარის ოდენობით და ძვირფასეულობა. როგორც ჩვენთან საუბრისას მანო ტოგონიძე აღნიშნავს, შინ დაბრუნებულმა მძარცველებს მიუსწრო, თუმცა დამნაშავეებმა გაქცევა შეძლეს. ადგილზე გამოძახებული იქნა საპატრულო პოლიცია: "სახლიდან რომ გავედი, მეორე სართულის ფანჯარა ოდნავ გაღებული დამრჩა, მძარცველებმა კიბე მიადგეს და სახლში ისე შევიდნენ.

წაღებულია ორი "ლეპტოფი", ფული 1600 ლარის ოდენობით, ძვირფასეულობა, შინ დაბრუნებულმა მივუსწარი, თუმცა გაქცევა მოახერხეს, სხვა ნივთების წაღება ამიტომ ვერ შეძლეს. გამოვიძახე საპატრულო პოლიცია, მოვიდა კრიმინალური პოლიციაც, დამკითხეს, თუმცა, სამი დღეა გამოძიება მიმდინარეობს და საქმის კურსში არ ვართ, არაფერს გვეუბნებიან, როგორც ვიცი ეჭვმიტანილიც კი არ ჰყავთ", - აღნიშნავს ტოგონიძე.

როგორც "ნიუპოსტს" შინაგან საქმეთა სამინისტრის პრესსამსახურში განუცხადეს, საქმე აღძრულია სისხლის სამართლის კოდექსის 177-ე, ქურდობის მუხლით და მიმდინარეობს გამოძიება.