“ქართული ოცნების“ მიერ მოწონებული და მხარდაჭერილი საპრეზიდენტო კანდიდატის, სალომე ზურაბიშვილის განცხადებას, რომლის მიხედვითაც ის გაპრეზიდენტების შემთხვევაში, ეკლესიას სახელმწიფო საქმეებში ჩარევას შეუზღუდავს, გაერთიანებული ოპოზიციის - „ძალა ერთობაშიას“ ლიდერი, ედპ-ს თავმჯდომარე ბაჩუკი ქარდავა ეხმაურება.

სალომე ზურაბიშვილმა „იმედის“ ეთერში თქვა, რომ მაღალი იერარქების პოზიცია ვერ გაიგო.

„ვერ გაიგო ეკლესიის და მეუფეების პოზიცია, არ აწყობს და გასაგებია, რატომაც, მაგრამ მე მაინც შევახსენებ „ქოცების“ ქალბატონ კანდიდატს:

პირველი - სწორედ ეკლესიის ჯარის სარდალი (ქრისტეს კვართის მცველი) აუჯანყდა პირველად რუსებს და ხელი არ მოაწერა გეორგიევსკის ტრაქტატს;

მეორე - ეკლესიის საჭეთმპყრობელმა ამბროსი (აღმსარებელი) ხელაიამ უთხრა რუსებს სხეული საჯიჯგნად მომიგდია და გული საქრთველოს ეკუთვნისო, მანვე მიმართა მსოფლიოს - რუსეთის საოკუპაციო ჯარი დაგვესხა საქართველოს და არა პირიქით...

P.S. გაგრძელება შეიძლება, მაგრამ ისეთი პირი უჩანს - კანდიდატად დარჩება”- აღნიშნავს ქარდავა.