მარგვეთისა და უბისის ეპისკოპოსი მეუფე მელქისედეკი პრეზიდენტობის დამოუკიდებელი კანდიდატის სალომე ზურაბიშვილის მიერ აგვისტოს ომტან დაკავშირებით გაკეთებულ განცხადებას გამოეხმაურა.

სასულიერო პირმა ასევე ქართველ ამომრჩეველს გონიერებისკენ მოუწოდა:

„ის ფაქტი, რომ თითქოს საქართვეომ დაიწყო ომი, ჩემთვის მიუღებელია, ბოლო ორი საუკუნეა, საქართველო იბრძვის თავის გადარჩენისათვის და ის ფაქტი, რომ დავადანაშაულოთ ჩვენი ქვეყანა, ეს ჩემთვის მიუღებელია რა თქმა უნდა. მაგრამ ყველაფერი დალაგდება, ქართველი ერი ბრძენია და აუცილებლად გადაწყვეტს იმას რაც გვჭირდება, მე ვერავის ვერ მოვუწოდებ ვის უნდა დაუჭიროს მხარი, მაგრამ კარგად დაფიქრდეს ყველა, რომ პასუხისმგებლები იქნებიან თავიანთი ქვეყნისა და თავიანთი შვილების წინაშე“, - განაცხადა მეუფე მელქისედეკმა.