"ინტერესი არის ბატონი ივანიშვილის - ადა მარშანია "ომეგას" საქმეზე და სახელმწიფო რეკეტზე საუბრობს

პოლიტიკა - 15:55, 18 Sep, 2018

1165

პარლამენტის ფრაქცია „საქართველოს პატრიოტების“ წევრი, ადა მარშანია ფრაქციიდან მისი თანაგუნდელის, ნატო ჩხეიძის წასვლას ეხმაურება. მარშანიას განცხადებით, ნატო ჩხეიძესთან შეხვედრა ჯერ არ ჰქონიათ და შესაბამისად, უცნობია რა ბედი ელის ფრრქაციას.

„ჩვენთვის ეს იყო მოულოდნელი ფაქტი, ჩვენ ამის შესახებ არაფერი არ ვიცოდით, შევიტყვეთ თქვენი გენიალური ტელევიზიიდან. რატომ დატოვა არ ვიცით, რა მიზეზით, არ ვიცით, ალბათ, დღის განმავლობაში გავიგებთ,“ - განაცხადა ადა მარშანიამ.

რაც შეეხება „ომეგა ჯგუფს“ და მის ირგვლივ მიმდინარე მოვლენებს, დეპუტატი ამბობს, რომ სახეზეა ბიზნესზე ზეწოლა.

„ომეგას ირგვლივ განვითარებულ სიტუაციის თაობაზე ჩვენ არაფერი არ ვიცით, დეტალებზე არაფერი არ ვიცით. ვიცით, რომ ზოგადად, იყო ზეწოლა "ომეგა ჯგუფზე", როგორც საერთოდ არის ზეწოლა ბიზნესზე, უბრალოდ, ვის, როგორი ფორმით აწვებიან... დიდი ეჭვი გვაქვს და ძალიან ზედაპირზეა ეს ყველაფერი, რომ ინტერესი არის ზუსტად, რომ ბატონი ივანიშვილის და ზუსტად, რომ მისი ნათესავის მამაცაშვილის და იმის იმედიც არ გვაქვს ჩვენ, რომ ან პროკურატურა ან ჩვენი სახელოვანი სასამართლო მურუსიძის თამადობით, რამე ჭეშმარიტებას დაადგენს,“ - განაცხადა ადა მარშანიამ.