"ყველაფერი გამოგონილი ტყუილია"- ლევან ყიფიანმა პროკურატურა დატოვა, ყოფილი მინისტრი ჩანაწერის ავთენტურობაზე არ საუბრობს

პოლიტიკა - 17:56, 17 Sep, 2018

1256

სპორტისა და ახალგაზრდულ საქმეთა ყოფილმა მინისტრმა ლევან ყიფიანმა თბილისის პროკურატურა დატოვა და მედიასთან მცირე კომენტარი გააკეთა.

ყიფიანმა განაცხადა, გამოძიებასთან მომავალშიც ითანამშრომლებს, თუმცა ის ბრალდება რაც ისმის მისი მისამართით "გამოგონილია".

ლევან ყიფიანმა სკანდალურ ჩანაწერის ავთენტურობასთან დაკავშირებით საუბარი არ ისურვა. შესაბამისად არ ვიცით, რას ფიქრობს ყიფიანი მედიაში გავრცელებულ ჩანაწერზე.

ყოფილი მაღალჩინოსანი არ აკონკრეტებს ისმის თუ არა ჩანაწერში მისი ხმა.

"დაწყებულია გამოძიება, ჩვენ ვთანამშრომლობთ გამოძიებასთან. მომავალშიც ვითანამშრომლებთ. ყველაფერს დაადგენს გამოძიება. ის რაც ხდება ეს აბსოლუტური ბოდვაა. ვემიჯნები, ვიღაცის პოლიტიკური, ფინანსური ინტერესებია, რომელშიც მე მონაწილეობას ვერ მივიღებ. თხოვნა მაქვს ჟურნალისტების მიმართ, განსაკუთრებით იმ ტელევიზიის მიმართ, ვის ირგვლივაც აგორებულია ეს აჟიოტაჟი, მსგავი არაფერი არ ყოფილა ყველაფერი არის გამოგონილი ტყუილი. ავთენტურობასაც დაადგენს გამოძიებაც"- თქვა ყიფიანმა.

მისი თქმით, "შეიძლება რომელიმე ჟურნალისტი გახდეს მსხვერპლი" თუმცა ვისი მხრიდან ამაზე სპორტის ყოფილმა მინისტრმა არ ისაუბრა.