"ჩემი დანაშაულია, რომ ეს მოღალატეები და დამნაშავეები მოვუშვი ხელისუფლებაში... 28 ოქტომბერს ამას გამოვასწორებთ"- სააკაშვილი

პოლიტიკა - 17:53, 17 Sep, 2018

4638

სალომე ზურაბიშვილის მიერ დღეს გაკეთებულ განცხადებას სადაც მან რუსეთი აგრესორად მოიხსენია თუმცა აგვისტოს ომში დამნაშავედ ისევ საქართველოს ხელისუფლება გამოაცხადა, საქართველოს მესამე პრეზიდენტი ვიდეომიმართვით გამოეხმაურა.

„ქვეყნის ახალგამოცხადებულმა მთავარმა ბარიგამ შეუცვალა ტექსტი სალომე ზურაბიშვილს, ამ კანაფის დედოფალს და მოღალატეს. მისი საცოდაობით დავიწვი, რომ კითხულობდა იმას, რაც არ დაუწერია და აზრზე არ არის. თითქოს შეცვალა ნარატივი, მაგრამ არაფერი შეუცვლია, თქვა რომ აგრესორი არის რუსეთი, მაგრამ დამნაშავე მაინც არის სააკაშვილი. დამნაშავე რომ ვარ მე ეს იყო მთავარი მოტივაცია რუსეთის შემოჭრის, ხალხის დახოცვის და ჩვენი ოკუპირებული ტერიტორიების ე.წ აღიარების. თუ სალომე ზურაბიშვილს მართლა უნდა რამე მოინანიოს, პირველი უნდა უარყოს საკუთარი განცხადება, იმის შესახებ რომ წითელუბანი დაბობმა საქართველოს ავიაციამ და არა რუსეთმა და ბოდიში მოუხადოს ქართულ ჯარს. მეორე- უნდა გაიხმოს თავისი მასალები ჰააგიდან, სადაც ის ადანაშაულებს ქართველ სამხედროებს, მესამე- უნდა თქვას უარი რამდენიმე დღის წინ გაკეთებულ განცხადებაზე, რომ თურმე ჩვენ დავბომბეთ საკუთარი ხალხი და ამიტომ უფლება არ გვაქვს ვისაუბროთ ტერიტორიული მთლიანობის აღდგენაზე. როდესაც ისინი საუბრობენ ჩემს დანაშაულზე, ჩემი ერთადერთი "დანაშაული“ არის ის, რომ რუსეთს არ გავუწექი, საქართველო დავიცავი და მართლა დანაშაულია, რომ ეს მოღალატეები და დამნაშავეები მოვუშვი ხელისუფლებაში. მაგრამ არა უშავს 28 ოქტომბერს ამას გამოვასწორებთ.

თუ ზურაბიშვილს გულში მართლაც უყვარს თავისი ქვეყანა, იმ ზიანის გათვალისწინებით, რაც მან მიაყენა საქართველოს, თუნდაც საერთაშორისო არენაზე, მან დაუყოვნებლივ უნდა მოხსნას თავისი კანდიდატურა და არ შეუშალოს ქართველ ხალხს ხელი გია ვაშაძის არჩევაში.“- განაცხადა მიხეილ სააკაშვილმა.