რეკეტი ბიძინა ივანიშვილის სახელით - ტელეკომპანია „იბერიას“ და „ომეგა ჯგუფის“ საქმეში პარტია „ქართული ოცნების“ თავმჯდომარის გვარი გამოჩნდა. ამის შესახებ ინფორმაციას „რუსთავი 2“ ავრცელებს.

როგორც ცნობილია, ცოტა ხნის წინ, „კურიერს“ ხელში ჩაუვარდა ახალი სკანდალური ჩანაწერი და ფოტომასალაც, სადაც პირდაპირ არის საუბარი იმაზე, რომ „ომეგა ჯგუფის“ ხელში ჩაგდება ხეისუფლებას სურდა.

სიგარეტის ბიზნესს საქართველოში, ივანიშვილის დავალებით, მისი დეიდაშვილი უჩა მამაცაშვილი ანაწილებდა.

პირდაპირი მოლაპარაკებები ბიზნესის ხელში ჩასაგდებად ჰქონდა დიმიტრი ქუმსიშვილს და ყოფილ მთავარ პროკურორს ოთარ ფარცხალაძეს.

ფარულ ჩანაწერში "ომეგა ჯგუფის" დამფუძნებელს, ივანიშვილის სახელით, ბიზნესმენი ვანო ჩხრატიშვილი და ირაკლი ჩუბინაშვილი ესაუბრებიან.

ფოტოებში ჩანს, რომ „ომეგა ჯგუფის“ დაშლის და ხელისუფლების ფრთის ქვეშ ახალი კომპანიის შექმნის სქემას დაფაზე ხაზავენ. მასალა „კურიერმა“ რამდენიმე წუთის წინ მოიპოვა.

წყარო: "კურიერი"