„ ეს არის რუსი ოლიგარქის მცდელობა, გამდიდრდეს ერის გამოთაყვანების ხარჯზე! საქართველო განადგურდება,“

„ ეს არის რუსი ოლიგარქის მცდელობა, გამდიდრდეს ერის გამოთაყვანების ხარჯზე! საქართველო განადგურდება,“ - სააკაშვილი მარიხუანას კულტივაციაზე

პოზიცია - 11:31, 17 Sep, 2018

1402

მარიხუანას კლუტივაციის შესახებ „ოცნების“ ინიციატივას მიხეილ სააკაშვილი ეხმაურება და ამბობს, რომ ეს ინიციატივა მხოლოდ ბიძინა ივანიშვილის ბიზნესინტერესებს ემსახურება.

„ერთიანი ნაციონალურის“ თქმით, თუ პარლამენტმა ინიციატივა დაამტკიცა, ეს ქვეყნისთვის თავისუფლების დაკარგვის დასაწყისი იქნება. ეს ჰგავს გარკვეულწილად მგლის თავზე სახარების კითხვას იმიტომ, რომ პრაქტიკულად ჩვენ ვავალებთ მგელს, რომ მიიღოს კანონი ცხვრის ფარის უსაფრთხოების შესახებ და თვითონვე გააკონტროლოს ამ კანონის შესრულება. ეს არის ერთი რუსი ოლიგარქის მიერ მცდელობა გამდიდრდეს ძალიან დიდად ერის გამოთაყვანების ხარჯზე. თუ ადამიანს უნდა თავისთვის და ერთი ორჯერ, სამჯერ მოწიოს, ნამდვილად არ გამიხარდება, არც ერთ დედას არ გაუხარდება, რომ მისი შვილი დაიჭირონ და ეს თუ ამ მხრივ იყო გადახრები ეს იყო დიდი შეცდომა. თუმცა ეს გადახრები ჰქონდა ჩვენზე ბევრად უფრო განვითარებულ ქვეყნებს. ყველაზე სწრაფი გზა ქართული საზოგადოების დასრულებისთვის არის მარიხუანა. როგორც კი ივანიშვილი გაინაღდებს ნარკოკარტელს მერე იქ თავისუფლება დაივიწყეთ. იქნება მთლიანად მონოპოლიზირებული სტრუქტურა. მხოლოდ იქნება ის ხალხი, ის დამნაშავეები, რომლებიც ემსახურებიან ამ კარტერს. საქართველო განადგურდება,“ - განაცხადა მიხეილ სააკაშვილმა „კვირის აქცენტებში“.