"ნაციონალური მოძრაობოს" წევრი, ზაალ უდუმაშვილი მოქმედ ხელისუფლებას ტყუილში ადანაშაულებს და ამბობს, რომ ივანიშვილის მთავრობის წინააღმდეგ პოზიციას მოქალაქეები 28 ოქტომბერს დააფიქსირებენ.

„6 წელი ტყუილში აცხოვრა ბიძინა ივანიშვილმა საქართველოს მოსახლეობა. ყველაფერს აქვს თავისი ზღვარი და საზღვარი ამიტომ 28 ოქტომბერს ქართველი ამომრჩეველი ბიძინა ივანიშვილს ეტყვის არას,“- განაცხადა ზაალ უდუმაშვილმა.

უდუმაშვილმა განცხადება კახეთში გააკეთა, სადაც გაერთიანებული ოპოზიციის საპრეზიდენტო კანდიდატი გრიგოლ ვაშაძე ამომრჩეველს შეხვდა. შეხვედრა თელავის თეატრში გაიმართა, სადაც პრეზიდენტობის კანდიდატმა სიტყვით გამოსვლის ძირითადი ნაწილი საარჩევნო პროგრამაზე საუბარს დაუთმო. გრიგოლ ვაშაძემ ყურადღება გაამახვილა სოციალურ-ეკონომიკურ პრობლემებზე, მათ შორის პენსიის საკითხზე. პრეზიდენტობის კანდიდატთან ერთად მხარდამჭერებს სიტყვით მიმართეს გაერთიანებული ოპოზიციის ლიდერებმაც.

„ხელისუფლებაში უდნა იყვნენ ადამიანები ვინც ხალხისთვის ზრუნავს. ვისაც აქვს კონკრეტული ხედვა და გეგმა როგორ უნდა განვავითაროთ ყველა მიმართულება. აი, ეს ხალხი გავერთიანდით „ძალა ერთობაშია“. აი, ამ ხალხმა დავაყენეთ გრიგოლ ვაშაძე და ამიტომაც არის ასეთი პოზიტიური მუხტი. ჩვენ 28 -ში ქართველ ხალხთან ერთად უნდა გავიმარჯვოთ,“-განაცხადა გრიგოლ ვაშაძის საარჩევნო შტაბის ხელმძღვანელმა გიორგი ვაშაძემ.