ადამიანი, რომელსაც აქვს პრეტენზია ნომერ პირველ ქველმოქმედებაზე, გადაწყვიტა, დაიკავოს ნომერ პირველი ბარიგის სტატუსი

ადამიანი, რომელსაც აქვს პრეტენზია ნომერ პირველ ქველმოქმედებაზე, გადაწყვიტა, დაიკავოს ნომერ პირველი ბარიგის სტატუსი - ოარუაშვილი ივანიშვილზე

პოლიტიკა - 21:15, 15 Sep, 2018

2674

ყოფილი თავდაცვის მინისტრი ირაკლი ოქრუაშვილი კანაფის მოხმარების რეგულირების საკითხზე წარდგენილ კანონპროექტთან დაკავშირებით საუბრობს და ამბიბვს, რომ ამ პროექტის უკან ბიძინა ივანიშვილის ინტერესი დგას.

"ადამიანი, რომელსაც აქვს პრეტენზია ნომერ პირველ ქველმოქმედებაზე, ნომერ პირველ მოქალაქეობაზე, ნომერ პირველ მმართველზე, ბიძინა ივანიშვილს ვგულისხმობ, გადაწყვიტა, დაიკავოს ქვეყნის ნომერ პირველი ბარიგის სტატუსი...

მე გავიზარდე უცნაური ფილოსოფიის მატარებელ უბანში - ნახალოვკაში, სადაც ცხოვრობდნენ კანონიერი ქურდებიც, ჩვეულებრივი ქურდებიც, პოლიციელები, პოლიციელებთან მოთანამშრომლეები, მასწავლებლებიც, ჩვეულებრივი ადამიანებიც, ყველას მიმართ არსებობდა გარკვეული დოზით პატივისცემა, მაგრამ იყო ერთი სოციალური სტატუსის მატარებელი ადამიანი - წამლის ბარიგა, რომლიც მიმართ არავის მხრიდან პატივისცემა არ ხდებოდა. ეს ადამიანი იყო ყველაზე დაბალი რანგის ადამიანი, რომელიც პლინტუსზე დაბლა იყო.

ეს მიდგომა დღესაც, გარეთ თუ გახვალთ და გაიკითხავთ ადამიანების დამოკიდებულებას ნარკოტიკების გამყიდველი ადამიანის მიმართ, ზუსტად ისევეა შემორჩენილი. დღეს რას ვიგებთ, ადამიანი, რომელსაც აქვს პრეტენზია ნომერ პირველ ქველმოქმედებაზე, ნომერ პირველ მოქალაქეობაზე, ნომერ პირველ მმართველზე, ბიძინა ივანიშვილს ვგულისხმობ, გადაწყვიტა, დაიკავოს ქვეყნის ნომერ პირველი ბარიგის სტატუსი. ამაში ჰყავს ჩართული თავისი შვილი თავისი მოწოდებებით. უბედურება ის არის, რომ საზოგადოებას ისეთი რეაქცია, როგორსაც უნდა ველოდოთ, არა აქვს. თუ ეს ყველაფერი განვითარდება, დღეს ზღაპარია იმის შეძახილები, რომ ჩვენ გავაკონტროლებთ იმას, რომ შიდა ბაზარზე ქვეყნის შიგნით კულტივირებული ნარკოტიკი არ მოხვდეს.

რაც ნაკლები მოქალაქე დარჩება ჩვენს ქვეყანაში, განსაკუთრებით შეგნებული, მით უფრო ადვილი იქნება ქვეყნის მართვა ამ ადამიანისთვის, ბიძინა ივანიშვილისთვის. ასე გაგრძელება აღარ შეიძლება. ეს ყველაფერი უნდა შეიცვალოს. იმის შიშით, რომ მგელი არ გავუშვათ, რომ მივიღებთ ლომს, ან მგელზე უარესს, უგუნური ადამიანის პოზიციაა,“ - განაცხადა "რუსთავი 2"-თან ირაკლი ოქრუაშვილმა.