გაერთიანებული ოპოზიციის საპრეზიდენტო კანდიდატი გრიგოლ ვაშაძე ქარელისა და აგარის მოსახლეობას შეხვდა და ადგილობრივი მოსახლეობის პრობლემებს გაეცნო. „ძალა ერთობაშიას“ კანდიდატის თქმით, ხალხში ხელისუფლებისა და არაფორმალური მმართველის მიმართ ბრაზი დღითი დღე მატულობს.

„მაშინ, როდესაც ადამიანებს არ აქვთ სამსახური, სოფლები დაცარიელებულია, დაპირებული საწარმოები არსად ჩანს, ხოლო სოფლის მეურნეობის პროდუქცია სეტყვამ გაანადგურა, ივანიშვილი პირადი გამდიდრებისთვის მასიურად მიწების შესყიდვას და კანაფის პლანტაციების გაშენებას აპირებს. სწორედ ამიტომ, ჩვენ, მოძრაობა "ძალა ერთობაშია", ჩვენს თანამოქალაქეებთან ერთად გავიმარჯვებთ 28 ოქტომბერს, შევაჩერებთ ქართული ოცნების ანტისახელმწიფოებრივ, კორუფციულ, კრიმინალურ მმართველობას და სახელმწიფოს დავუბრუნებთ ხალხს.“- აცხადებს ვაშაძე