შერიგებისა და სამოქალაქო საკითხებში, სახელმწიფო მინისტრის, ქეთევან ციხელაშვილის თქმით, საქართველოს ხელისუფლება სამართლის აღსასრულებლად მომავალშიც ყველა ბერკეტს გამოიყენებს.

მინისტრი ამ კომენტარით არჩილ ტატუნაშვილის მკვლელობაში ბრალდებულების დავით გურწიევსა და ალიკ ტაბოევზე წითელი ცირკულარით ძებნის დაწყების გადაწყვეტილებას გამოეხმაურა.

„ეს აუცილებელი ნაბიჯია იმიტომ, რომ ჩვენ ვიყენებთ ყველა ბერკეტს რომ მართლმსაჯულება აღსრულდეს და დამნაშავეები იქნან დასჯილი. ისევე როგორც ოთხოზორიას მკვლელის შემთხვევაში, რომელიც უკვე იდენტიფიცირებულია და არის უკვე ბრალდებული ქართული სასამართლოს მიერ,“-აცხადებს ციხელაშვილი.