“ქართული ოცნების“ გენერალური მდივანი კახა კალაძე სალომე ზურაბიშვილისთვის საპრეზიდენტო არჩევნებში მხარდაჭერასთან დაკავშირებით დამატებით კომენტარს აკეთებს. დედაქალაქის მერის განმარტებით, საპრეზიდენტო არჩევნებთან დაკავშირებით გუნდში აზრთა სხვადასხვაობა იყო, თუმცა პარტია საბოლოოდ შეთანხმდა, რომ მხარი დამოუკიდებელი კანდიდატისთვის უნდა დაეჭირა.

„პარტია „ქართულმა ოცნებამ“ თავისი პოზიცია დააფიქსირა, როდესაც იყო პოლიტსაბჭო. ამასთან დაკავშირებით განცხადება იქნება ჩვენი მხრიდან გაკეთებული. ჩვენ მთელი ამ ხნის განმავლობაში ვუყურებდით და ვსაუბრობდით, რომ ველოდებით, მივიღოთ გადაწყვეტილება. გუნდში იყო აზრთა სხვადასხვაობა, იყო საუბარი, რომ პარტიას უნდა ჰყოლოდა თავისი კანდიდატი, თუმცა იყო ადამიანების კატეგორია, ვინც საუბრობდა, რომ უკეთესი იქნება პოლიტიკურად, პოლიტიკური პლურალიზმის თვალსაზრისით, რომ მხარი დავუჭიროთ დამოუკიდებელ კანდიდატს. ვინც იყო წარმოდგენილი დამოუკიდებელ კანდიდატებში, გუნდმა მიიღო გადაწყვეტილება, მხარი დაეჭირა სალომე ზურაბიშვილისთვის,“- განაცხადა კახა კალაძემ.