ალექსანდრ პეტროვი და რუსლან ბოშიროვი, რომლებსაც დიდი ბ რიტანეთი სეგრეი და იულია სკრიპალების მოწამვლაში ადამაშაულებს, განაცხადეს, რომ სოლსბერიში მეგობრების მიწვევით იმყოფებიდნენ. ამის შესახებ მათ ტელეარხ RT-სთან ინტერვიუში ისაუბრეს.

ინტერვიუში პეტროვმა და ბოშიროვმა დაადასტურეს, რომ ბრიტანეთის პოლიციამ ნამდვილად მათი ფოტოები გაავრცელა.

„ჩვენი მეგობრები დიდი ხნის განმავლობაში გვეპატიჟებოდნენ, რომ ეს მშვენიერი ქალაქი გვენახა. სოლსბერი - ტურისტული ქალაქია. იქ მთელ ევროპაში ცნობილი ტაძარია.“- განაცხადა ბოშიროვმა. იგივეს აცხადებს პეტროვიც.

მათი ტქმით, ისინი 3 მარტს სოლსბერიში როგორც ტურისტები ისე ჩავიდნენ და უბრალოდ ქალაქის ქუჩებში სეირნობდნენ, თუმცა უამინდობის გამო ქალაქში მხოლოდ 1 საათი გაატარეს, ამიტომ 4-ში ისევ დაბრუნდნენ სოლსბერიში და ღვთისმშობლის ტაძარი მოინახულეს.

„ინგლისური გოთიკით ვტკბებოდით“-აცხადებენ ისინი.

ბრიტანეთის პოლიციის მასალებით ცნობილი ხდება რომ სკრიპალების მოსაწამლად „ნოვიჩოკის“ გადატანა Nina Ricci-ის სუნამოს ფლაკონით მოხდა. კითხვაზე პასუხად, ნამდვილად ჰქონდათ თუ არა ამ სუნამოს ფლაკონი თან პეტროვმა განაცხადა „ნორმალურ მამაკაცისთვის ქალის სუნამოთი სიარული სულელური არაა?“

პეტროვი და ბოშიროვი ასევე ირწმუნებიან, რომ ГРУ-სთვის არ მუშაობენ, თავისთავს საშუალო დონის მეწარმეებს უწოდებენ და აცხადებენ, რომ ფიტნეს ინდუსტრიაში არიან დასაქმებულნი.

შეგახსენებთ, ის რომ სკრიპალის საქმეში ეჭვმიტანილები მედიის წინაშე წარსდგებოდნენ, გუშინ ვლადიმერ პუტინმა დაანონსა.

რუსეთის პრეზიდენტის ვლადიმერ პუტინის განცხადებით დიდი ბრიტანეთის ქალაქ სოლსბერიში სკრიპალების მოწამვლის საქმეში ეჭვმიტანილი პირები რუსეთის ხელისუფლებისთვის ცნობილია და ისინი სამოქალაქო პირები არიან. ამის შესახებ პუტინმა აღმოსავლეთის ეკონომიკურ ფორუმზე ისაუბრა:

„ჩვენ რა თქმა უნდა გავარკვიეთ ვინ არიან ეს ადამიანები და ვიცით მათ შესახებ. ჩვენ ისინი ვიპოვეთ. გარწმუნებთ, არაფერი განსაკუთრებული და კრიმინალური არაა. ისინი სამოქალაქო პირები არიან“- განაცხადა პუტინმა.

პუტინმა თქვა, რომ ეჭვმიტანილები აღნიშნულ მოვლენაზე საკუთარ ვერსიის შესახებ მედიასთან უახლოეს მომავალში ისაუბრებენ.